اقتباس:
المشاركة الأصلية كتبت بواسطة abonoha
عندنا ف المحلة رموها على التوجيهات وطلبوا من كل توجيه اختيار اثنين فقط على مستوي ابتدائي واعدادي وثانوي ثم تكون لجنة على مستوى الادارة لاختيار 15 عمل يتم تصعيدها الى المديرية بطنطا لتصفيتها الى 7 أجهزة فقط . وهو العدد المحدد لكل ادارة من ادارات الغربية الـ 10 . فالعدد المحدد للغربية كلها 79 جهاز .
وعن نفسي شخصيا عندما تقدمت بعملي وعلمت بما سبق قلت لهم : وكيف سيتم اختيار الاعمال من قبل الموجه الآول للمادة ؟ فقالوا : عن طريق متابعته لكم بالمدارس . فقلت : وهل الموجه الاول يتحرك من التوجيه لمتابعة مدارس ؟ هل يعقل ماتقولون ؟ فقالوا يبقى الموجه بتاعك . فقلت : هو الموجه بتاعى { ياعيني } قادر على اللي هو فيه . ده ماسك 60 مدرسة متابعة × 5 مدرسين متوسط لكل مدرسة = 300 مدرس . يبقى يقدر يحكم على كل العدد ده ؟ ده أنا باشوفه صدفة مرة واحدة في التيرم ويبقى جاي مستعجل من مدرسة تانية أو رايح مدرسة تانية .
فكان الرد من الادارة : هي دي التعليمات اللي عندنا . يعني طبعا اللي له علاقة بالموجه الاول أو { يقدر يعمل معاه علاقة سريعة } مصلحة يعنى - يبقى من المحظوظين .
وطبعا كل من عرف ذلك اطمئن تماما بانه ليس هناك أي أمل .
وتركت الموضوع من ساعتها ..... وكبرت دماغي وسافرت المصيف
ولكن بعد العودة فوجئت بان النيابة الادارية تحقق في الموضوع .. طبعا فالشكاوى اشتغلت ولا أعلم الى ماذا انتهت .
مع تحياتي .... واذا جد جديد ساحيطكم علما به
|
ماسبق كتبته بتاريخ 25/7 / 2009
واليوم جد الجديد اللي وعدتكم به
فوجئت باستدعائي من قبل الادارة التعليمية ... فتوجهت اليها مستفسرا : خير يارب ؟
قالوا لي : خير .... خد صور الجدول ده ؟
جدول ايه ياجماعه ؟
قالوا جدول امتحانك بالمديرية .لقد تم اختيارك ضمن الـ 15 مدرس اللي هايصفوا في المديرية
طبعا وقعت المفاجأة عليا كالصاعقة .... ده أنا لسه ناشر امبارح بس عن الموضوع ده { كما في الاقتباس } وعندما نظرت للأسماء وجدت أنني وأحد الزملاء فقط ابتدائي والباقي اعدادي وثانوي .
قلت : طب هانمتحن في ايه ؟
ردوا وقالوا : الجدول اللي معاك بيقول : يوم نظري ويوم عملي ابتداء من يوم الأحد 2/8/2009
طبعا صورت الجدول وخرجت من الادارة وأنا في حالة غير طبيعية : أصدق ولا ما أصدقش ؟
والآن أنا في انتظار يوم الأحد إن شاء الله
وسوف أعلمكم بالنتيجة سواء كانت ايجابية أم سلبية
والى لقاء قريب إن شاء الله