وعليكم السلام ورحمه الله وبركاته
اقتباس:
|
انا عندى مشاكل كتيرة قوى وخلاص مبقتش قادرة استحمل حاجة ودخلت فى مرحلة انى قربت اعزل نفسى عن الناس كلهم لان بقى فى نظرى كل الناس الى اعرفهم عايزنلى الشر
|
اولا زى مالواحد اتعود فى المواضيع المشابهه لدى ان اول حاجه نقولها
مفيش حاجه اسمها مشكله
وهقلك ازاى
انتى وانتى صغيره عندك عروسه لعبه ايدها اتكسرت
تمام
كنا ساعتها هنعيط وبالنسبه لينا نهايه الكون
لما تكبرى وتبصى ع الموقف اللى مكنش بالهين فى وقتها
هتحسي بمدى ضآلته
عوزاكى تعملى بالكام بتاعتك زووم اوت وتفكرى بطريقه احسن او تشوفى الموضوع من زاويه تانيه
بالمناسبه مفيش اهل بيكرهوا ولادهم
زى ممها قالت فوق تعبير غلط عن الحب مش اكتر
حتى فى عالم الحيوان
لما بقلك قطه واكله عيالها
مش معناها انها كان قصدها تأذى هى كانت بتحاول تحميهم فحطتهم فى بقها
اقتباس:
|
انا تميت السنادى ثانوية عامة علمى علوم بمجموع 95 ونص فى المية
|
اقتباس:
شعبة علمى علوم
كنت فى سنة تانية جايبة مجموع عالى يعدى 99 فى المية
بس هو دة نصيبى المهم انا رضيت وحمدت ربنا رغم انى كنت هموت من صدمة مجموعى
انا مكنتش بسيب الكتب ليل ونهار بذاكر
مكنتش بنام وحليت الامتحانات كلها كويس
بس حمدت ربنا وهو اكيد لية حكمة فى كدة
|
اها كويس الحمد لله ع كل حاجه
اقتباس:
|
بابا وماما اتصدموا وبقيت كل ماشوفهم اعيط لان انا كسرت قلبهم من غير ما اقصد
|
اقتباس:
وهما بسبب مجموعى بقيت كل شوية اسمع اهانات وتجريح فيا
وقدام الناس يبينوا ان الموضوع عادى ولما نبقى لوحدنا يزعقوا فيا
ويحسسونى انى سبب الحزن فى بيتنا
اكتر منا حاسة بكدة
|
هو بالرغم ان مش كل الابهات والامهات كده
الا ان فى شريحه كبيره من الابهات والامهات كده
انا فاكره ان ماما كانت بتجرى ورايا فى يوم وانا صغيؤه عشان كنت كسرت فاظه غاليه -فدايا طبعا 
-
الا ان اول ممسكتنى قلتلها مش انتى دايما تقولى اخدت الشر وراحت لو ضربتينى الشر هيجى يمسك فى البيت كله
عاده مش كل اللى بنقوله بنعمله دى طبيعه بشريه
اقتباس:
|
ماما قالت انها هدخلنى جامعة خاصة وقالت الموضوع لبابا وبعد معارضة شوية وافق
|
اقتباس:
وقدمت الحمد لله وقبلت
وابتدى جو البيت يهدى شوية
وكنت فاكرة ان كدة خلاص هرجع لحياة مستقرة زى زمان
بس للاسف الذل زاد فيا اكتر من اخواتى من ناحية وبابا وماما من ناحية
بابا كل شوية يفكرنى انى داخلة كلية بالفلوس وانة
فى اى وقت ممكن يحرمنى منها
|
احم مع احترامى الشديد الشديد لوالدك الا انه مجرد تهديد وخلاص ولا عمرهم يقدروا يعملوا كده :D
يعنى من الاخر زمان كان يجى يقلك لو كذبتى هقطعلك لسانك
هل هيقطعوه ؟؟!!
طبعا لأ اول مأصلا بيشوفوكى وصباعك متعور بيبقى البيت مقلوب اصلا
اقتباس:
|
وماما نفس الكلام دة غير مابقعدوا يعدوا عليا زمايلى الى جايبين
|
هى لسه الحكايه دى بتتعمل
كانو زمان بيعملوا كده
كنت بقلهم الف مبروك ومش انتو علمتونى اتمنى للناس الخير
بس متسخدميش الجمله دى لانها بتتفهم غلط
حاولى بس تكونى بارده شويه ومتتنرفزيش وتبتسمى وتقولى انا عملت اللى عليا
وده ميمنعش انى هحاول اكون احسن بس مش عشان صاحبتى اعلى
عشان انا عاوز اكون كويسه
اقتباس:
|
ومن يوم النتيجة الى الان وانا مش عارفة اعمل اية
|
اقتباس:
وجالى فى التنسيق طب بيطرى
وكل شوية عمالين يقولولى انتى خلاص مبقاش ليكى وجود فى البيت
|
لو ملكيش وجود فى البيت ايه اللى مخليهم سايبينك قاعده!!
كبرى من الكلام ده بجد لانه ملوش اى لازمه
ولو ملكيش لازمه يبقى ربنا كان خلقك ليه
اول متلاقى ان الموضوع فى مشادات وكده
فكرى فى نكته اى نكته بتضحكك وابتسمى ليهم واتكلمى براحه اتناقشي براحه
وفهميهم ان دى اراده ربنا
انتى معملتيش ححاجه غلط
ياما ناس متفوقين واضربوا فى مجاميعهم
وياماا ناس ملهاش فى الملوخيه ونجحوا وعادى جدا
مش ذنبك ع فكره
انتى عملتى اللى عليكى
انا زمان بردو كانوا بيقولولى يا فاشله وخاصه اول 3 ثانوى
وعادى جدا مش عارفه كان عندى احساس ان ربنا هيوفقنى بعمل اللى عليا من غير مرهق نفسي بالدرجه
اقتباس:
|
الكلمة دى سمعتها مليون مرة
|
كلنا سمعناها وحياتك من طالب طب لطالب تجاره
هى زى متقولى لازم تتقال
او فى عرف الابهات والامهات الكلمه المحفزه المشجعه
اقتباس:
|
انا بجد زهقت من حياتى من الناس من كل الى بيضايقونى وانا معملتلهمش حاجة
|
اكيد فى حاجه حلوه تانيه فى حياتك مفيش حد حياته سودا يعنى كلها
حاولى تدورى ع حاجه تشغلى نفيك بيها وتكونى بتحبيها
شوفى صحابك وقرايبك
حلى مشاكل اخواتك الصغيرين
ذاكرى واثبتيلهم انك ميه ميه
كده يعنى
الحل من جواكى انتى مش من عند حد تانى
الأعمال العظيمة تتحق ليس بالقوة انما بالاصرار .
جمله كميله
اعرفى ان العمليه كلها بتبدأ من عندك صرى ع انك تنجحى حولى الطاقه السلبيه للاحباط لطاقه تخليكى تكملى وتنجحى
مقدش اقلك اكتر من كده
المهم طمنينا عليكى
لانى متأكده انك هتكونى حاجهه جامده جدا فى المستقبل القريب او البعيد المهم ان تكونى ان شاء الله طبعا
:D