[zakihacker]

السلام عليكم و رحمة الله وبركاته
انا يا جماعة اسمي عمرو
و هتتكلم بصراحة
انا جايب مجموع 61.95%
بس انا سايب الفيزياء و علم النفس
و انا ناوي ادخل المادتين دول في الدور الثاني
يعني لو جيبت في التنين دول النهائية يعني هما كدا الوزارة هتاخد النص و انا اخد النص
يعني مجموعي هيدخل علي 74.14%
و ان شاء الله ابويا هيساعدني و هدخل معهد عالي خاص
و المعهد ده هيكون علوم حاسب مش هندسة
يعني انا هدخل معهد عالي لعلوم الحاسب
و دي قائمة المعاهد العليا اللي بتقبل من شعبة علمي رياضة

المعهد العالي لعلوم الحاسب ونظم المعلومات بمدينة 6اكتوبر
المعهد التكنولوجي العالي بمدينة العاشر من رمضان (شعبة علوم الحاسب)
معهد العبور العالي للهندسة والتكنولوجيا بطريق مصر – الإسماعيلية
معهد القاهرة العالي للحاسب والمعلومات والإدارة بمصر الجديدة (شعبة علوم الحاسب
الأكاديمية الحديثة لعلوم الكمبيوتر وتكنولوجيا الإدارة بالمعادي (قسم علوم الحاسب)
أكاديمية أخبار اليوم بمدينة 6 أكتوبر (قسم علوم الحاسب وتكنولوجيا المعلومات)
معهد العبور العالي للإدارة والحاسبات ونظم المعلومات طريق بلبيس (شعبة علوم الحاسب
المعهد العالي للدراسات التكنولوجية المتخصصة أول مصر الإسماعيلية (شعبة علوم الحاسب)
معهد الفراعنة العالي للحاسب الآلي ونظم المعلومات والإدارة- المريوطية بالهرم (شعبة علوم الحاسب)
المعهد العالي للحاسبات وتكنولوجيا المعلومات بمدينة الشروق (شعبة علوم الحاسب)
معهد طيبة العالي للحاسب والعلوم الإدارية بالمعادي – القاهرة (شعبة علوم الحاسب)
معهد طيبه العالي لتكنولوجيا الإدارة والمعلومات بطريق سقارة (شعبة علوم الحاسب)
المعهد العالي لعلوم الحاسب ونظم المعلومات التجمع الخامس (شعبة علوم الحاسب)
معهد مصر العالي للتجارة والحاسبات بالمنصورة (شعبة علوم الحاسب)
المعهد العالي للإدارة وتكنولوجيا المعلومات بكفر الشيخ (شعبة علوم الحاسب)


و ده اللي نازل في دليل المعاهد الخاصة في موقع التنسيق الالكتروني المصري
و علي فكرة يا جماعة المعاهد دي بيتدي الشهادة معادلة لي كليات حاسبات و معلومات قسم علوم حاسب
فيا يا جماعة اولا عاوزر ترتيب المعاهد
من حيث صعوبة الدراسة الكاديمية فيها
و من حيث التنسيق بتاعها
و انا دورت ع تنسيق السنة اللي فاتت 2008 طبعا
و لقيت ثلاثة معاهد بس هما اللي في التنسيق
وهما
1- المعهد العالي للحاسبات وتكنولوجيا المعلومات بمدينة الشروق و ده واخد 298 يعني 72.68%
2-المعهد التكنولوجي العالي بمدينة العاشر من رمضان و ده واخد 286.5 يعني 69.87%
3- أكاديمية أخبار اليوم بمدينة 6 أكتوبر و ده واخد 248 يعني 60.48%

و مش عارف يا جماعة التنسيق بتاع السنادي هيعمل ازاي فحد يطمني يا جماعة
و يعرف ايه المعاهد دي هتاخد من كام السنادي
و انا مش عاوز شكر يا جماعة انا عاوز رد
و شكرااااااااااااااااااااااا