بصي يا فندم
أنا اتعرفت على صعايدة كتير
و أجمل ناس
و فيهم دكاترة
و مهندسين
و فيه ناس كويسة جداا
مش معنى اننا هزرنا مع حضرتك من كام يوم
و قلنا إن أسيوط مش كويسة و كده
فـ أنا كنت أقصد إنك
أو إننا كلنا
ما في حد فينا يتريق على بلد معين
أنا لم أخطيء في حق أسيوط
أنا دافعت عن المنصورة فقط
كلنا خلق ربنا
و كلنا يساوي واحد
و مش هنفرق
بين أبيض و أسود
و وجه بحري و وجه قبلي
كل مكان فيه الكويس و فيه الـ مش كويس
و دايماً الناس بتتريق على أهل الصعيد في النكت و كده
و الأفلام و المسلسلات
بيطلعوهم أغبى خلق الله
بكتيره بواب
فيه من الصعيد علماء و أدباء
و ممكن يبقى أحسن من أي حد تاني
أذكر مرة اتخانقت و كان فيها خصام
على حكاية الصيعد
و النكت و كده
الطريف في الأمر
أن الصعايدة نفسهم أصبحوا يطلقون النكت على أنفسهم
و كمان فوازير
لماذا يسهر الصعيدي أمام التلفزيون بعد نهاية الإرسال؟ والإجابة هي: حتى يرى المذيعة وهي نائمة.
واحد صعيدي سافر أوروبا
اصور بين حمارين
و بعت الصورة لأخوه و قاله
أنا اللي في النص
تعرفي حضرتك
إن مش الشعب المصري بس اللي بيتريق على أهل الصعيد !
لأ كل الشعوب
بتسخر من بعضها
الشعب العارقي
يسخر من الأكراد
الشعب السوري
يسخرعلى أهل حمص
شعب فلسطين
يسخر من أهل الخليل
شوفتي خضرتك
كل الشعوب بتسخر ازاي من بعضها
حتى المصريين
يا ريت جت على السخرية من أهل الصعيد فقط
لا امتدت
لتشمل تلك النكت السخرية من أهل المنوفية
و أهل دمياط
و غيره و غيره
فكرة الناس عن الصعايدة مش كويسة
فكرتهم إنهم ناس أغبياء
لا يفقهون شيئاً
الصعيدي انسان زي أي انسان
و عمره ما هيفرق عن الوجه البحري
الصعيد مليئة بالخيرات
اللي احنا المفروض نستغلها
و في النهاية
قول الله تعالى :
" يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْراً مِّنْهُنَّ
وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ "
آسفة على اطالتي
تسلمي على الموضوع
حياكم