رفعنهالكو ع اكتر من موقع
وهنجيبها هنا بردو عشان منبقاش قصرنا
الموضوع الاول بتاع عقوق الآباء فيه اجزاء ناقصة
ومش متنسق كويس ف المجله عندكم
ف هجيبه كلام هنا
وتقدرو تقولو رأيكو فيه
السلام عليكم ورحمة الله وبركاته
طبعا كلنا عارفين فضل بر الوالدين
وعارفين انه فرض بعد عباده ربنا
" وَاعْبُدُواْاللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً "
بس مش بنفكر كتير ان الآباء المفروض يبرو ابناءهم
وان زي مافيه عقوق من الابناء للآباء فيه عقوق من الآباء للابناء
وهو ده اللي هنتكلم فيه النهارده
قبل ماتكلم انا هحط موقف لطيف كده لسيدنا عمر بن الخطاب
وبعدها نبدأ
جاء رجل إلى عمر بن الخطاب يشكو إليه عقوق ابنه ,فأحضر عمر الولدو أنّبه على عقوقه لأبيه و نسيانه لحقوقه عليه ,فقال الولد : يا أمير المؤمنين أليس للولد حقوق على أبيه ؟ !!! قال : بلى ،قال : فما هي يا أمير المؤمنين ؟ قال عمر :أن ينتقي أمه و يحسن اسمه و يعلّمه الكتاب أي " القرآن " .قال الولد :يا أمير المؤمنين إنّ أبي لم يفعل شيئاً من ذلك ،أما أمي فإنها زنجيّة كانت لمجوسي ... و قد سماني جعلا أي " خنفسا "و لم يعلّمني من الكتاب حرفاًواحداً, فالتفت عمر رضي الله عنه إلى الرجلوقال له : جئت إليّ تشكو عقوق ابنك
و قد عققته قبل أن يعقّك ,و أسأت إليه قبل أن يسيء إليك.
طبعا كلنا عارفين ان حب الآباء للابناء دي فطرة مش باايدينا بس ف زمنا ده المعاصي والشهوات والاخطاء الكتير ضيعت مننا حاجات كتير حتى الفطرة ابتدت تضيعهتكلم عن حته حته ف كلام امير المؤمنين
اول جزء
*ان ينتقي امه*
دلوقت بيجي اي ولد يحب اي بنت
يعيش معاها ف قصة حب يكلمها يغنيلها ويمسك ايديها وتجاوزات جامده فعلا من ورا اهلهم
يتمسك بيها ويتجوزها
طيب دلوقت
دي واحده محافظتش ع نفسها ولا قادرة تسيطر ع مشاعرها هتحافظ وتسيطر ع بيت واسرة وعيال ازاي
ازاي هتطلع جيل صالح قادر انه يخدم بلده ودينه
ازاي هتطلع ع الاقل افراد قادرين انهم يحافظوا ع نفسهم
ازاي يأمنها ويخرج ويسيبها لوحدها ف البيت وهي زي ماتكلمت معاه من ورا اهلها ف يوم من الايام
هتتكلم مع حد تاني من وراه
!!
مش بعيده
الجزئيه التانيه
بيكون الاختيار لاعتبارات تانية غير دينها وادبها واخلاقها وعلمها بيكون عشان الفوس والجمال والبنت اللي كل الشباب بتتهبل عليها ويفكر نفسه انه مدام اتجوزها يبقى اخد اللي محدش اخده
وهو اخد ارخص حاجة ... حاجة كده مباحة لاي حد ف اي وقت وف اي مكان وببلاش من غير فلوس
وده اكتر كاريكاتير معبر فعلا عن الموقف
!!
تاني جزئية هنتكلم فيها
هي حته اختيار الاسم
ودي مش مشكلة جامده الايامدي
عاتي كل واحد بيروح يدور لابنه ع اي اسم اجنبي هو اصلا مش فاهم معناه
ده ان كان ليه معنى اساسا
ويحطه عشان يبقى عمل اسم جديدده غير طبعا الناس اللي لسة بتسمي ف فتحيه وسعدية لدلوقت
ندخل بقى ف
الجزء التالت
وده مش محتاجة دخول ولا كلام
الناس دلوقت بتحفظ ولادها نوسو نوسو بابا ولا السح ادح امبو
اهي حاجة تفيدهم ف دنيتهم عشان ميطلعش يتصدم وهو عنده سبع سنين ان في واحده اسمها هيفا
فبيمهدوله 
نتكلم ف حته رابعه بقى
حته الاكل الحرام
كل واحد عشان يأكل ولاده ويعيشهم احسن عيشة
يشتغل اي شغلة تكسب فلوس
مش مهم الفلوس حرام ولا حلال
وبينسى انه بيأكلهم ف الدنيات من غير مايحميهم من نار الاخرة
قال رسول الله صلى الله عليه وسلم :
( كل جسد نبت من سحت فالنار أولى به )
والسحت هو الحرام، ومعنى الحديث: أن كل جسم ولحم تغذى بالحرام فإنه يكون يوم القيامة في النار عقوبة له
يعني بيأكل ولاده ف الدنيا عشان يجهزهم للنار والعياذ بالله يوم القيامة
ندخل بقى ف حته خامسة وهي اهم حته تقريبا ف الموضوع
** التربية**
دلوقت كل حد بيربي ع مزاجه
وزي مايربوه اهله بيربي ولاده من غير اي اعتبار اذا كان ده صح ولا غلط
وكل المشاكل ف حياه اي بني آدم انا دايما برجعها لحته التربية من وجهه نظري يعني
لو التربية ف مجتمعنا صح من الاول مكنتش هتبقى كل المصايب موجوده
والمشكلة ان كل واحد بيفكر ان هو الصح
وان هو الاب المربي الحاكم
يعني مثلا من وجهه نظري اكبر نظام غلط للتربية اللي الناس دايما مقتنعه ان هو ده الصح اللي بتعمله اللي هو
الكبت
ان الاب ميديش المساحة لولاده انهم يتنفسواع اعتقاد انه كده بيحميهم
بعد كده بيجو العيال يعملو نفسهم ملايكة ادام والديهم ويطلعو بره يبقو بني آدمين تاني غير اللي ف بيوتهم
وفي ناس كتير بالشكل ده _الا من رحم ربي طبعا_
في طبعا من الاساليب الغلط ف التربية
التساهل الزياده والثقة الزياده ف الولاد
وبردو تخوينهم وتخويفهم وحاجات كتير
بقى نادر اوي الاعتدال ف التربية ف مجتمعنا ده
في بردو من اساليب عقوق الآباء
التفرقة ف المعاملة بينهم وانهم يفرقو الولد عن البنت
سواء ميراث او غيره
او حتى فى الحياه العمليه
ودى بتربى عقده عند البنات او الولاد من وهما صغيرين
وبتزرع مابينهم كراهيه وعداء
وبعيدا عن ده كله وبعد تفكيرنا فى المشكله وتفكيرنا فى اثارها
بيبقى التفكير فى الاسباب اللى خلت الاب او الام يعملوا كده
فى مصطلح اُطلق على العصر اللى احنا بنعيش فيه
**عصر الطفل اليتيم**
وان نتيجه للعلاقات الغلط اللى سبق ذكرها فى اول الموضوع
بيكون فى حاله قرف عام من كل ماتم انتاجه او كل ماهو مشترك بين الاب والام
وبكده بيكون فى مشكله وان الاب والام دايما بره مشغولين باى حاجه تانيه غير ولادهم
والتعامل مع الابناء بيكون بقسوه زايده لان الاب شاف انه اختار غلط والام قرفانه من الشيء المشترك بينها وبين الاب
فى امثله كتير ع عقوق الابناء
ولولا كده مكنتش دور اليتامى واللقطاء تعانى من الانفجار السكانى الداخلى ولا كنا شفنا اطفال الشوارع
اللى هما اطفال هربوا من الحياه الصعبه فى بيوتهم مش من فقر بس
لا من معامله قاسيه من الاب للام او من الاب والام للاطفال
لكن المشكله
الناتج ده او الابناء اللى بيعدوا قنبله موقوته ممكن تنفجر فى اى لحظه
فى مثال ع كده وهو هتلر
كلنا عارفين ان فى دراسات كتير اتعملت لفهم سلوك هتلر
ومن الدراسات دى اللى عملها
لكاتب الالمانى فريد لاندر
بيقول لو استطاع هتلر ان يضع قدميه فى فمه وهو صغير لانقذت البشريه من الحرب العالميه الثانيه!!
وكان الكتاب اسمه
اعماق اعماق هتلر واخرين
ان هتلر حُرم من رعايه امه
عانى من عقوق الاباء
وكان كل شيء بعيد عنه حاول يقربه ليه بالعنف
ولو كان عبث بقدمه زى الاطفال واتعلم ازاى يلعب
ماحتاج للعنف ليجعل افواه الناس عند اصابع قدمه بالحديد والنار
وده كان توضيح الجميل
انيس منصور
لجمله لاندر
كان فى جمله تقريبا لسقراط مش فاكره
بتقول
الانسان حيوان اجتماعى بطبعه
والانسان حيوان له اطول طفولة
قد تستغرق 20 عام من الرعايه من الاب والام لكى يمتلك القدره ع الاعتناء بنفسه
وبعض العلماء بيقولوا ان حياه ومشاكل وشخصيه الطفل بتتكون فى النص الاول من السنه الاولى او النص التانى !!
لكن لو هنتكلم بطريقه منطقيه
فمشاكل الطفل بتبدأ من قبلها او من قبل ميتولد
اب وام التقوا فى ظروف غامضه
وفجأه بقوا عاوزين اطفال
وبعد الزواج الكريم اصبحت العلاقه مبنيه ع الشك
مبنيه ع اللا انسانيه
طبيعى ان الولد ميكنش عاوز يشوفهم طبيعى ان الولد يكون عاق لوالديه
-بالرغم ان ده غلط - بس هو هيعرف منين الصح والغلط !!
فهل هتستمر المشكله ؟؟
وايه هى المشكله
المشكله هى مشكله الاباء اللى كانوا اطفال بردو وده سبب تانى غير العلاقات الغلط
قد يكون ناتج التربيه الغلط للاطفال اللى هيبقوا اباء
وزى مبيقولوا فاقد الشيء لا يعطيه
فبيكون ناتج انه يعامل اطفاله هو نفسه بنفس الاسلوب
وفى حدوته حلوه اوى لخطيب اغريقى
اسمه ديموستين
الراجل ده كان راجع لبيت احد اقربائه
وجد ان الطفل بينهال بالضرب ع ابيه
والاب كان مريض!!
فقال عبارته
ويل للبيت اذا علت فيه اصوات الدجاج على صياح الديوك
وياريت كان صاحب الصوت العالى ديك او فرخه
لا ده كتكوت
وبدأ ديموستين بعد عودته للمنزل انه يضع القلم فى السم ثم فى فمه ويقول
ذهب ما قلته للكبار او الصغار!!
ان الفم الذى ينصح الناس ولم تنفع النصيحه يجب ان يتجرع السم
وانا هنا مش بصدد الحديث عن تصرف ديموستين ولكن عن الموقف نفسه
الخلاصه ان عدم تفكيرنا فى الاطفال هيؤدى لهلاك مجتمع
*****BY EMEE & YASO