[أسيل رزق]

ما كان من الأول يا أستاذ .. لازم يعنى كنت تحذف الموضوع اللى قبل كده
حرام عليك دا أنا كنت رديت رد طويل عريض
أرده تانى إزاى دلوقتى
عالم عجيبة صحيح
المهم هقصر فى الكلام و أرد و أمرى لله
الأجانب بالنسبة لينا حاجة نادرة أوى وجودها وسطنا
يعنى مثلاً لو بنت من المهندسين راحت بولاق الدكرور ولا إمبابة الكل هيبص عليها
لكن لو واحدة من بولاق الدكرور نزلت المهندسين محدش هيبص عليها
فا الحكاية مش أجانب و مصريين .. إحنا نفسنا من جوا بلدنا فينا أجانب و فينا ناس عادية أو بسيطة
كان ورد عليا موقف فى رحلة للمتحف المصرى مع المدرسة و إحنا صغيرين و مع إننا أطفال محترمين يعنى مش ناقصنا حاجة مرفهين و كلو تمام بس لما شفنا الأجانب فضلنا نضحك ونشاور عليهم أكنهم جايين من المريخ مع إن كان فى أجانب ساكنين جمب مدرستنا و عارفينهم بس مش فاهمة إيه العبط اللى كان راكبنا ده و فضلنا نكلمهم بقى و نشاور و بتاع و الولاد بقوا يحدفوا طوب عليهم و إحنا قدام المتحف - تخلف تخلف يعنى - و اتصاحبنا على واحد اسمه توم و أول ماعرفنا إسمه فضلنا نضحك ونتريق عليه توم ولا بصل توم ولا جيرى و حاجات هبلة كده و الراجل عمال يضحك فاكرنا بنهزر معاه و مايعرفش إننا بنتريق عليه

يلا ربنا يهدى الجميع