[BaNZeR]

المشاركة الأصلية كتبت بواسطة mr.hani

اتقى الله يا أخى في ردك

ولا تكن مستفزاً

"كم من فئة قليلة غلبت فئة كثيرة بإذن الله"

هذا ردى على قولك أنهم مليار
ليس العدد هو الأهم بل العقيدة هى الأهم

ونحن لدينا الإيمان والعقيدة وهم لا يملكون

لو تمسكنا بايماننا وعقيدتنا

وبدأنا مقاطعتهم سينهارون في لحظة

أعلم كما يعلم الآخرون أن الصينيون غزوا بلادنا ببضاعتهم الرديئة

التى لا يشتريها للأسف الا العرب

لقد كنت في اوروبا ولم اجد البضائع الصينية كما هو عليه الحال هنا

هيا نبدأ يا أخى فى مقاطعة بضائعهم

أنت وأنا وكل فرد مسلم غيور على دينه

لاحظت مرتين في ردود حضرتك علي أنك تتهم اسلوبي بالمستفز

حقولها لحضرتك تاني
الاكل بتاعنا دلوقتي بقى منه اكل صيني
من اول النضارة للقمصان للبنطلونات للشباب كلها صيني
ادوات الطبخ وادوات المائدة من "الاطقم الصيني"
حتى الدهب عملو دهب صيني

اراهنك أنه لا يوجد اقل من مائتي قطعة سواء ان كانت للاكل او للبس او غيرها من المنتجات الصينية
وهو عدد ربما يكون قليلاً جداً

وبعدين ازاي حضرتك تقارن مصر باوروبا ومنتجات ده بده
اوروبا عندهم الاتحاد الاوروبي ومعظمهم دول منتجة وبيستغلو عندهم العمالة وعندهم منتجات
ومع ذلك البضائع الصينية موجودة

اللى خلى المنتجات الصينية تغطي على المنتجات الامريكية في امريكا
يبقى مش عايزها تأثر واحنا في بلد مستهلك ؟؟

برده خلي حضرتك واقعي
الكلام دايماً سهل
لكن حضرتك تقدر تقولي إنك عمرك ما حتشتري صيني تاني ؟
هل في نظرك المنتجات المصرية كفيلة بالتغطية

ليس العدد هو الأهم بل العقيدة هى الأهم

دلوقتي بنتكلم على المنتجات
ايه دخل العدد او العقيدة في الموضوع ؟؟
احنا بنتكلم على انتاج ولا استهلاك
دلوقتي لو امتنعنا عن الصيني
يبقى حنشتري ايه ؟؟

يبقى مننزلش السوق احسن

كلامي ليس استفزازياً ولكنه الواقع
وارجو تقبله بصدر رحب وان يكون في سبيل المناقشة لا لنعته بالمستفز

وجزاكم الله كل الخير