[karateman2020]

المشاركة الأصلية كتبت بواسطة عاشق لغة الضاد

والله كلامك صح 100%

انا مدرس مادة حية وزمايلى كلهم بيدوا دروس وانا بصراحة بحرمها

لاسباب منها ........

1-الدروس هى سبب انهيار التعليم فى مصر.

2-الدروس خربت المدارس وفضتها من الطلاب .

3-الدروس خلت المدرس ملوش كرامة .

4-الدروس خلت ولى الامر والاسرة من غير أكل.

5-الدروس طريق لكل المفاسد .


طبعا غريب ان دا يكون رأى مدرس خبير .لكن الغريب فين الوزارة من دا كله

انا فعلا بحييك يا استاذنا على موقفك ورايك ولعلمك انا والدى متوفى من حوالى 6 اشهر والى بيصرف عليا اخويا انا ممكن اعتبر نفسى احقر انسان فى الدنيا لو خليت اخويا الى هو لسه طالب فى كليه وبيشتغل علشان يصرف عليا يحس انى بقيت عبئ عليه وهو بيحاول يرضينى لانى بكل بساطه شايف ان تعليمنا فاشل فاشل فااااااااااااااااااااااااااااااااااااااااااااااااا شل ميستحقش انى امرمط اخويا علشانه
وكمان موضوع الوزاره فين من كل ده لعلم حضرتك انا لو بايدى والله العظيم اعدم وزير التربيه والتعليم على الى بيعمله فينا علشان يخلينا نكون فى المدرسه كتبه وفى الامتحان صمامين ويخلى اهلنا يهاتوا من المصاريف
انا لما بشوف بنت يابانيه عندها 4 سنين بتعزف على اورج رتم سريع كامل ولا اشوف طالب يابانى عنده 17 سنه يكتشف موضوع العربيه الى بتشتغل بالميا وكتير غيرها بقولك حسبى الله ونعم الوكيل بكل صوتى لما انا اعرض فكره ممكن تكرم مدرستنا على مدرس الفيزيا يقولى انا عايز حاجه بتاعت 50 جنيه امشى بيها المعرض

ساعتها درس ايه ومجموع ايه و علم ايه الى افكر فيه لكن تعمل ايه ربنا خلقنا كده ولازم نرضى