اولا احب ابارك علي دخول الكلية
انا محمد سنة تالتة طب عين شمس
بالنسبة لموضوع القاهرة ولا عين شمس
اولا القاهرة الدكاترة افضل من حيث التعامل و من حيث تنظيم المناهج و النظام و سهولة الامتحانات نوعا ما عن عين شمس
علي سبيل المثال في سنة اولي بيكون عدد الي جايبين امتياز حوالي 200 -220 من اصل 1400 واحد في طب عين شمس بينما بيكون العدد حوالي قرب ال500 في القاهرة
ثانيا بيقال و لست متأكدا و لكني سمعتها كثيرا ان خريجي عين شمس يكونوا اقرب لفرص العمل اي لهم افضليه نظرا لصعوبة كليتهم
و ايضا يقال ان قسم الجراحة متميز في القاهرة و قسم النسا متميز في عين شمس .
بالنسبة انك لو عايز تحول ممكن قبل دخول الدراسة او تقريبا لحد اول اسبوعين
لكن مينفعش بعد اولي لازم علي الاقل بعد انتهاء سنة تانية لان مواد اولي و تانية مكملة لبعد يعني هما نفس المواد الي في اولي هما الي في تانية بس طبعا برنشات تانية و دراستهم في اولي او تانية بتختلف حسب الكلية .
بالنسبة للمذاكرة عايز اقول ان لو حد ذاكر زي الثانوية العامة او اقل شوية هيطلع من اول 10 علي الدفعة
معظم الاقسام بتنزل كتب لكن ورق الدروس ساعات بيكون افضل منها كتير متقلقوش في مكتبة تصوير داخل الجامعة بتبيع كل ورق الدروس .
لو عندكم اسئلة اكتبوا .
|