اقتباس:
|
يعنى مفيش امتحانات ميد تيرم وشفوى بجد؟
|
لا مفيش شفوي
بقي بحث بيتقدم
بس الميدتيرم بقي حاجه تانية
احنا كنا بنمتحن الميدتيرم فشهر يناير وكان عليه 20 %
حاليا احنا بنمتحن نظري اربع مرات ف السنة
مره ف اخر 11 او اول اتناشر
دا بقي الميدتيرم
بيبقي عليه 10 % من مجموع الماده
وبقي فيه امتحان تيرم ف يناير ع اللي درستيه ف النص الاول
وبيبقي فيه امتحان عملي للي ادرس ف التيرم الاول
كدا التيرم الاول كله بالعملي بالميدتيرم وامتحان التيرم عليه 45 % من مجموع الدرجات
واللي خلاص امتحنتي فيه مش حتذاكريه تاني
الا ف دور اغسطس لا قدر الله
الدور التاني حاجات تانية بتدرس
برضه ليه ميدتيرم ف اول اربعه وليه امتحان عملي خاص بيه وليه امتحان تيرم ف اخر مايو
وعليه برضه 45 %
يتبقي 10 %
دول كانوا بتوع الشفوي
دلوقتي ف السكاشن كل مجموعه من حوالي 5 طلاب غالبا بيختاروا موضوع
يقدموا فيه بحث لذيذ كدا قدام الدكتور
وغالبا الدكاتره بتكرم الطلبة
يعني اسهل بكتير من الشفوي
لانه جزء صغير جدا بكتيره صفحه او اتنين
والمفروض يكون فيه استعداد سابق
يعني حاجه بسيطه هيا
بس الكلية بتبقي عايزه مجهود اوي ف الاول
عشان اللغه بتبقي جديده والنظام بيختلف كتير عن الثانوية
ف الاول بس شوية تعب
بس بجد الطب مش صعب اوي
لما تمشوا شوية ف الدراسه حتحسوا انها كلية سهلة