[عمرو ع]

ولو اني مفهمتش الغرض من الموضوع لكن طبعا سيبك من كلام الناس تجارة طبعا احسن حتي لو مش انجليزي وانت احسن من غيرك كتير يعني مجموعك مش وحش ولا حاجة بالنسبة للادبي



اخي العزيز
انا رأيي معاك ولكني أود أن أوضح نقطة حتى لا تظلم المحيطين بك
إحنا عندنا مشكلة بسيطة جداً وهي أننا في موضوع الكليات دي كل واحد بيحكم من خلال تجرته الشخصية
يعني لو فيه أب عنده ولد دخل تجارة وتم تعيينه في بنك أصبحت هذه الكلية أفضل كلية في الوجود من رأيه
وإذا جلس بجانبه في البيت أصبح رأيه دي كليه فاشلة

المهم صدقني إنك تكون مقتنع بقرارك وتكون ناوي تتفوق مش مهم الكلية هي إيه المهم إنك تكون واخد قرار ومصر عليه ليس بدخول كلية معينة ولكن بالتفوق والنجاح في حياتك
وتذكر أن كل الناس بتحلم ولكن تقدر تعرفني عدد الذين يحققون أحلامهم
أخوكم / حسام حمدي
على فكرة أنا بكالوريوس تجارة






لو الواحد شغل نفسه بكلام الناس مش هيخلص ومش هيلاقي راي محدد ..
احنا مش صغيرين عشان منكونش واثقين من اختيارنا ..وقرارنا حتى لو البعض اعترض البعض ده مش هو الهيدخل الكليه ..
وبعدين الافضل لينا ان احنا نختار عشان نكون مسئولين عن قرارنا ..عشان منلومش نفسنا في الاخر ..
باختصار ..مادام حضرتك مرتاح للكليه دي .._بغض النظر عن كونها كويسه او مش كويسه _خلاص توكل على الله وادخلها ..
وتأكد ان ربنا بيقى مع الواحد ..
وبالتوفيق للجميع ..





الله يا ابني مشكلتك نفس مشكلتي

انا علمي رياضة
و جات لي حاسبات و معلومات

عدوك بقا
لما قولت انه جات لي حاسبات

عندك بقى اسئلة
هى دي كلية خاصة ؟
بيقولوا ده معهد
بيطلع مهندس يعني ولا ايه ؟

يبدو ان الاهالي تجهل التميز و التفوق
في اي كلية

طبعاً حاسبات و معلومات بتدرس كمبيوتر من كله
و بتطلع مهندس برمجيات
و بتاخد بكالوريوس هندسة
و بتشتغل
و دراستك بالانجليزي
يعني اخر ألاجا

لكن بعد عنك بقى
الكل هنا مش عارف حاسبات و معلومات
اصلها كلية جديدة يعني بقى لها 10 سنين كده و لا حاجة

و بعدين خد عندك معلومة
الاول على الجمهورية بتاع اسيوط ( شعبة رياضة )
ساب الهندسة
و دخل حاسبات و معلومات
لان مستقبلها افضل من هندسة
و مهندسين الكمبيوتر و البرمجة بتخطفهم الشركات خطف
علشان يشتغلوا عندها

بص
ربنا كاتب لك الكلية بتاعتك
انت بقى عليك
تتفوق فيها
و مايهمكش كلام الناس
اضرب الناس دول بالجزم على دماغهم
علشان احنا بلد متخلفة
مش عارفة لحد دلوقتي يعني ايه كمبيوتر
و يعني ايه تقنية
و يعني ايه انجليزي
و يعني ايه تجارة
و يعني ايه حقوق
و يعني ايه هندسة

كله باصص للالقاب
و فيه اهالي بتخلي عيالها تطحن نفسها في المذاكرة
علشان تاخد لقب دكتور او مهندس
و في الآخر
لا بيشتغلوا و لا بيتنيلوا

ماتشيلش في نفسك
تفوق في كليتك
و ان شاء الله ربنا مش ح يضيع تعبك
و ح تشتغل
و تقبض
و ح تُرزق
و ساعتها ح تضحك على كلام الناس و الله

ربنا معاك




يا عم سيبك من اللي بيتكلم وخليك في نفسك
طالما انت حاببها خلاص يبقي فكك من كلام اي حد
بص هديك مثال
انا كنت جايب مجموع كبير الحمد لله في تانيه ثانوي
وكنت عاوز ادخل علمي رياضه وطبعا ناس مالهاش فيها خالص
قالتلي ايه دا انت داخل علمي رياضه بالمجموع دا هوا انت
عبيط عايز تضيع مجموعك في الرياضه وانت ضامن انك لو
دخلت احياء هتدخل طب والرياضه وحشة وزبالة والامتحانات صعبة
مع ذلك انا تحديت كل اللي قللي كدا ودخلت الحاجه اللي بحبها واللي عايزها
والحمد لله تفوقت فيها في الترتيب على طلبة كتير علمي علوم كانوا جايبين زيي

والخلاصه سيبك من اي حاجه زي ما قتلك وشوف اللي بتحبه
































طبعا شكرا على مروركم وتشرفت بيكم كلكم وشكرا على ردودكم