أذيكم يا أجمل فريق
معلش سمحونى إنى أتاخرت فى المشاركة
أنا النهارده معايا مشاركة فى القسم الأدبى
وهى آخر قصيدة أنا نزلتهابعنوان " حبيبتى أعذرينى "
أتمنى أنها
حبيبتي أعذريني في بعدى عنك
أعذري قسوة قلبي وأنا في حضنك
أعذري إدياى لما ترفض تلمس أرضك
حبيبتي ما بقتش بحس دفا شمسك
قمري إلى سهرت معاه لبكى مابقاش قمرك
حبيبتي كل ما أحاول منك أقرب يطردني أهلك
أهلك إلى مش أهلي ولا أهلك
إلى حوطوكى وسرقوكى وبعدوكى عن أهلك
حبيبتي وحشتينى
وحشتينى وأنا عايش في صميم قلبك
حبيبتي وحشتينى وأنا جمبك
من كتر لمتهم حوليكى حجبوا عنى ضيك
حبيبتي وحشني مرحك وحشني ضحكك
وحشتني حتى شوارعك
حبيبتي أوعى يبعدوكى عنى ذى ما بعدوني عنك
حبيبتي أعذريني
أعذري ضعفي ويأسى , أعذريني ما بقتش أحسك
بعت لك حبيبتي ألف جواب وما وصلنيش يوم ردك
سامعه حبيبتي ندايا ولا خلاص مابقاش صوتي يوصلك
حاسه بألمي ولا قدروا يقسوا قلبك
لسه بتستنى فرحى ولا مابقناش نهمك
حبيبتي لسه فاكرانا ولا مابقلناش مكان في حضنك
إحنا الأجداد إلى ضحوا بعمرهم لعمرك
إحنا أولاد نبت أرضك
إحنا أحفادك أمل بكره وشقي عمرك
عرفتينا ولا لسه ؟
أنت أصلا ناسية نفسك !
مش هقولك إصحى فوقى إفتكرى أصلك
لأنك لوبصيتى مش هتعرفى نفسك
يبقى النسيان أحسنلك
حبيبتي أعذريني
باعوا أرضك هتكوا عرضك حتى أسمك بيتا جروا بيه
يبقى إيه إلى فاضلك
لبسوكى توب مش توبك ولا عمره كان يلقلك
سرقوا أخلاق أولادك ونسوهم فرضك
نسوهم كلمة وطن يعنى إيه واجب
علموهم ادفع تبقى انهب تعيش عيشوهم
عيشة عمرها ما كانت لأهلك
حبيبتي أعذريني
هرجع وأقولك إصحى فوقى العنيهم
اطرديهم من جنتك
إنتى مش حاسة دي ما بقتش جنة
بقت جحيم دمروا حلمي وحلمك
حبيبتي أعذريني لوكان كلامي ألمك
أعذريني لو أحييت جرحك
أصل جرحك هو جرحى
حبيبتي أنا حتة منك
حبيبتي إنتى حبي إنتى عمري إنتى أمي
إنت أصلى إنتى أرضى إنتى عرضي
إنتى كل شيء فاضلي
لكن أنا مجرد فرد من مجاذيب حبك
حبيبتي في دمى حبك في ريحتى عطرك
وأصلى أرضك منحتينى اسمك
في ملامحي رسمك
حبيبتي عارفة بتحبينى أكتر ما بحبك
حبيبتي أعذريني
سامحيني مقصرة في حقك
مع محبتى
بنت الريف