[..Just Stop]

اسف على التأخير
وعموما السؤال دا هحاول اركز العيوب بس لان الكل عار اللمميزات
وكلهم ناس محترمين مش محتاجين كلمتين بكش منى

أحمد رضا :

احمد انسان طيب ومثقف
عاقل الى حد ما دايما هو صح فى اعتقاده دا اللى بحسه يعنى حتى لو كان غلط
مبيعجبنيش فى بعض المواقف صراحة
بس بيعجبنى فيه طريقة كلامه لانها منظمة
هادى بس لما بيثور بيقلب الدنيا
بس فى العموم هو انسان طيب
كان بينى وبينه خلافات طفيفة فى بادىء الامر بس الحمد لله عدت على خير
وبقينا تمام
بالنسبة لشغله الادارى فهو محتاج شوية نشاط
وربنا يهدينا جميعا

نسمة :

شارب نيلز سابقا
انا معرفهاش كويس بس فى الغالب انسانة طيبة

إسلام :

حبيبى اسلام ده باسماءه العجيبة دى
اسلام جدع بس مندفع واندفاعه بيزعل الناس منه
دايما كدا بيتكلم بسخرية
بس فى أوقات بيتكلم بخفة دم
توقيعاته معبرة
بس مشكلته انه بيزعل ناس كتير منه
ياريت يبطل اندفاع وميتاقلش على الناس اكتر من كدا
ربنا يهدينا ويهديه

ياسمين :

بنوتة اهلاوية حاليا
شخصية محترمة صراحة ومش بتسيب حد فى حاله
لسانها متبرى منها
بتحب تتكلم فى السياسة وهتودينا فى داهية قريب
بتعرف تر بس بطريقة ايه بقا ( منتو عارفينها )
هتبقا دكتورة ورئيسة قسم التشريح والتقتيل فى المستشفى
ربنا يستر على اللى هيكشفو عندها دا اذا حد راح كشف اساسا

عادل :

عادل دا مشكلة بقا
طيب جدا بس لما بيشوط بيشوط
متغيب بقاله فترة ومش بشوفه كتير
بس انا معرفوش كويس علشان كدا مش عارف اقول عيوب :d

نهال :

اللى هيا ليدى النت
بصراحة معرفهاش ومينفعش احكم على حد معرفوش
ربنا يكرمها

السادات

حبيب الملايين
السادات طيب بس مشكلته انه دايما مفهوم غلط
ودى مشكلته لانه ممكن يكون مش عارف يوصل وجهة نظره للناس وبالتالى بيتفهم غلط
مشاغب شوية
محدش يقدر يحكم عليه غير لما يعرفه من قرب
عيبه الاكبر انه مندفع شويتين وممكن يضيع اى حد
ربنا يهدينا ويهديه:

جيهاد :

جيجو كات سابقا
طيبة ولسانها حلو كدا فى التعامل داخل الموضوعات ( لا نتفهم غلط )
معرفهاش كويس بصراحة

بسام :

فراكشستاين ( واللا بتطنطق ازاى دى (
من الواضح انه مثقف
بس بيزعل الناس بردوده لانها متأصلة من رخامة
يعنى مثلا واحدة كاتبة موضوع انا مشية
يقوللها مشية ناقصة الف
عمرى ما هنساه كان بينى وبينه هو وصلاح الدين سابقا مشكلة كدا بس كانت مشكلة بنت ناس بس عدت على خير
تقريبا طيب
بس مش بيظهر كتير ولما بيظهر .......
ربنا يهدينا ويهديه

المجاهد :

احمد انسان طيب ومتدين الى حد ما

عصبى جدا ومش بيتفاهم
كل حاجة عايز ياخدها بالعصبية بس معظم الاوقات بيبقا صح والبعض الاخر بيبقا غلط
دايما مكتئب كدا ع الميل
بس هو انسان طيب كدا بحترمه
بالنسبة لشغله الادارى محتاج بردو نشاط لانه يعتبر مش فى الصورة الى حد ما
ربنا يهدينا ويهديه

ولاء :

اوركيديا
ولاء طيبة وبنت ناس
مثقفة ومن اسيوط
بحس انها متضايقة لما بجيب سيرة اسيوط بس بتخفى الضيق دا بالهزار فى المواضيع
بس مبيعجبنيش فيها حاجة
دايما مكبرة المواضيع
يعنى مثلا فى مواضيع الرد عليها بيبقا فى كلمتين وهيا لازم تعمل مدونة فى ردها
ياريت تاخدى بكلام الامام الشافعى

والصمت اجمل بالفتى من منطق فى غير حينه
ربنا يكرمها ويهديها

و أيهم من وجهة نظر حضرتك ممكن تتنازل له عن منصبك " شخص واااحد " ؟؟

بما ان اوركيديا وبنوتة اهلاوية واحد يبقا هختارهم

::::::::::::::::::

دمتم فى رعاية الله