[محمد ممدوح سعيد]

شكراااااااااااا علي التوبيك

بس يا جماعة الموضوع معقد جدااااااااااا ومش بالسهولة اللي إحنا فاكرينها

المشكلة مش في رئيس الجمهورية بس...... المشكلة في الحكومة أو الحاشية اللي بتضلل الرئيس

أنا عن نفسي بحترم جدا الرئيس مبارك وده مش نفاق ولا خوف بس المشكلة في اللي حواليه

ولو تلاحظوا إن البلد بتتغير للأحسن أو الأسوء بتغيير رئيس الوزراء والوزراء

وأقل فترة عصيبة في البلد كانت لما كمال الجنزوري ماسك رئيس الوزراء.......... يعني الرئيس هو هو بس لما كان

الجنزوري رئيس الوزراء مش زي لما كان ماسك عاطف عبيد مش زي لما أحمد نظيف ماسك دلوقتي

مشكلتنا أننا عايزين رئيس الجمهورية القادم رجل عسكري محنك سياسيا يهتم بقضايا الوطن العربي وليس بقضية

مصر فقط ويحارب الغلاء ويرفع مستوي معيشة الأفراد ويحسن الدخل القومي ويوفر وحدات سكنية للشباب

ويحافظ علي مكانة مصر الاستراتيجية بين دول المنطقة و........و........و.........و.........و...........

بالأمانة ومن غير ما نضحك علي نفسنا في حد يقدر يعمل ده كله في ظل الظروف الصعبة اللي إحنا بنعيشها

اللهم إلا ربنا رزقنا بواحد زي الفاروق عمر بن الخطاب رضي الله عنه

عشان كده الرئيس القادم لمصر مش هيعمل كل اللي الشعب عايزه لأن عصر الخلفاء الراشدين انتهي من زمان


وبالنسبة لرئيس الجمهورية القادم أرشح واحد من ثلاثة

جمال مبارك وللأسباب اللي قولتوها في التوبيك وكمان مش هيمد إيده علي فلوس الشعب لأن اللي عنده مكفيه

كمال الجنزوري بس يا رب يعيش لغاية ما تيجي الانتخابات

إبراهيم عيسي رئيس تحرير جريدة الدستور والراجل ده محترم جدا وعايز يخدم البلد بجد بس فرصته للأسف ضعيفة جدا