اقتباس:
المشاركة الأصلية كتبت بواسطة hana montana
نظرتى دى ! ياريت يبقى الكلام باحترام شوية
وعلى فكرة نظرتى الى انت بتستقل بيها نظرة واقعية جدا عشان احنا فى مصر وكلية الكلوم متاكلش عيش فى مصر وانا قولت لو انت اتعينت فيها يبقى كويس غير كدة يبقى لا وانا مش بالف انا ببص للى حوليا الوقتى الى بيتخرج من علوم زية زى الى بيتخرج من تربية وتجارة او حتى معهد الكلية شيقة جدا وانا قولت قبل كدة انى لو مدخلتش صيدلة كنت دخلت علوم لكن بص لقدام بلاش الاحلام الوردية دى عشانها مش بتنفع فى بلدنا
وياريت اما تتناقش تتناقش باحترام نظرتك دى الى هتودى الناس فى داهية تقعد تحلم وبعدين تصطدم بالواقع الى احنا عيشينة الكلام بتاعك داه تقولو لو عيشين فى اوروبا انت عارف ميزانية البحث العلمى فى مصر لكل دكتور فى الجامعة كام 3 .75 جنية تتصور بقى هيبقى حالنا عامل ازاى خليك واقعى وفكر بعقلك انا لو كنت بفكر زيك كنت دخلت اسنان او بشرى واتعينت ب 150 جنية بس يادوب دول ممكن اشترى بيهم شيبسى عشان كدة انا عملية عايزة اخرج اشتغل والطموح مش وحش بس يكون فى حدود امكانياتك وامكانيات البلد الى انت عايش فيها وابقى خلى بالك على كلامك
|
ومالها كلمة "نظرتك دي !!!! "
زعلتك اوي يعني خلاص معلش ههههههههه
انا مش بستقل بحاجة انتي اللي بتستقلي بطلبة علوم مش حكاية فقرا ولا اغنيا الغنى مش بالفلوس بس ممكن بالدين او بالعلم او الاخلاق دول بقى من الاغنياء بالعلم يبقى منستقلش بيهم
انا عارف كل اللي انت بتقوليه يمكن انا بفكر بطريقة مختلفة شوية عن بقية الناس لأني ببص للكلية من اكتر من زاوية يعني مش علشان مثلا الدكاترة بياخدوا فلوس كتير او المهندسين (ده طبعا زمان) يبقى اخش ادرس فيها على طول حتى لو كنت مش بطيق الرياضيات او الاحياء .... او مثلا علشان الحقوق واخدين وضع في البلد ومركز وكده يعني يبقى ادخل حقوق حتى لو مكنتش بعرف احفظ
بس لو على صيدلة : انتي متخيلة ان الصيادلة دول يعني بيخدوا ملايين .. عادي يعني زي اي حد تاني صحيح هي ممكن تفلت مع واحد اتعين في شركة ادوية انما حتى لو سافر بره مش هياخد حاجة (في السعودية الصيادلة بياخدو 2500 ريال وشغل 24 ساعة يعني اقل من موظف في احد الشركات ويكون معاه بكالوريوس تجارة وشوفي الفرق في الدراسة بقى) المهم يكون الواحد حابب اللي بيدرسه يعني لو كل واحد دخل اللي بيحبه (بس دي بقى مش احلام وردية ) هنبقى برده احسن بلد في العالم انما دلوقتي احنا ماشيين ورا "اقتصاد القطيع" لفظ غريب شوية بس معناه ان مثلا (معلش في التشبيه بس انا سامع الكلمة بالمثال ده) لو شفتي خروف واقف عند شجرة لواحده هتلاقي بعد شوية جي خروف وقف وراه واللي بعده كده وهكذا لغاية مايعملوا طابور وهما في الاصل مش عارفين وقفوا كده ليه ... احنا بقى بقينا كده
زمان كان الدكتور والصيدلي بيكسبوا الوفات فالاجيال اللي سبقتنا شافوا كده قالوا يبقى نخش الطب علشان نكسب فلوس كتير جينا احنا شفناهم قلنا ندخل طب وهندسة برده علشان نكسب فلوس وفضلنا كده لغاية مابقينا مليون دكتور ومليون صيدلي علشان كده ممكن تفتحي القسم الطبي هتلاقيني عامل تصويت عن ايه سبب دخولك الطب لأن مش معقولة كل الكم اللي في طب ده داخلها علشان حب في الاحياء لكن علشان يكسب فلوس زي ما كان اجدادنا بيكسبوا
ايه تبادل النظرات ده ههههههههههه
نظرتي هتودي الناس في داهية ليه يعني هو انا بقول اننا نحارب انا بقول نهتم بالعلم شوية زي مابنهتم بالافلام والاغاني وبالكورة وبالمظاهر اللي بقت في كل حاجة في حياتنا جت على العلم يعني هو اللي مش مناسب الفقر
ومكاسب الافلام ومكاسب عمرو دياب وتامر حسنى دي جاية منين من الشعب الغلبان برده
في اوروبا بيهتموا بكل حاجة انما احنا بنهتم بحاجات ونسيب حاجات تانية وهو ده اللي خلاهم يتقدموا واحنا نتخلف
انا بقى باعمل الاحلام الوردية دي علشان نفسي اشوف مصر حاجة تانية وهتبدأ بينا وللأسف علشان كل واحد بيقول زيك كده مش عارفين نتقدم
وياريت تبقي تكبري الخط شوية وتغيري اللون لأن عيني اتفقعت