اعصابك ..
!!
هو غالبا انت باصص للموضوع من ناحية واحدة
اللى هو المشاكل اللى ممكن تتعرض لها بنت وكدة
بس المشاكل دى مش حاجة مقتصرة على البنت بس
يعنى خلينا نشوف النقط اللى انت حطيتها ..
اقتباس:
|
يعنى ايه بنت تبقى ماشية فى الشارع وهى خايفة؟؟
|
عمرها ما هاتوصل ان حد يمشى ف الشارع خايف
لان مفيش حاجة بتحصل الا وبتكون قدر
لو حد عنده ايمان بكدة يبقى مش هايخاف من حاجة
اللى ربنا عايزه يحصل بيحصل سواء كنت ف الشارع ولا ف البيت
وربنا ليه حكمة ف كدة ..
اقتباس:
|
يعنى ايه بنت تغتصب من عالم زبالة وهى ملهاش ذنب؟؟
|
هاقولك نفس الكلمة .. ده قدرها
ولو بصيتلها من ناحية تانية
مثلا شاب يبقى ماشى ويطلع ليه حرامية وممكن يعملوا فيه حاجة
طفل يتخطف من اهله ويتكتب عليه طول عمره انه يعيش من غير اهل
واهله عايشين ويتكتب عليه يتحرموا من طفلهم
او مش هايعيش اصلا ويتحول لشوية اعضاء بيتعمل بيهم تجارة ..
اقتباس:
|
يعنى ايه بنت لما تعدى 20 سنة ومتخطبتش تقوم القيامة عليها؟؟
|
معلش ده اسمه تخلف ومش هاعلق عليها
بس يعنى ايه شاب متخرج ومش لاقى شغل
وبيشتغل ف حاجة مالهاش علاقة بدراسته ..؟
اقتباس:
|
يعنى ايه بنت تبقى حيتها كلها لغاية ما تجوز خوف وقلق وتوتر؟؟
|
مش فاهمة ايه السبب اصلا ..
؟!
اقتباس:
|
يعنى ايه بنت لما تنجرح من حب مبتبقاش عايشة بعد كده؟؟
|
ويعنى ايه شاب خطيبته سابته عشان اتقدملها حد تانى ظروفه احسن شوية ..؟
اقتباس:
|
يعنى ايه بنت لازم تتجوز أى حد وخلاص علشان يتستر عرضها؟؟
|
برضو مش فاهمة ليه ترتبط باى حد ..
؟!
.. .. .. .. .. ..
المهم يعنى واللى عايزة اوصله من الرغى ده
اى حد ف الدنيا ممكن يتعرض لمشاكل مش بس البنات
ولو ركزت ف كمية الحاجات اللى ممكن تحصل لاى حد هاتحسه مظلوم
لكن ف الاول والاخر اى حاجة بتحصل بتكون قدر ربنا
ومافيهاش اى ظلم