[hana montana]

المشاركة الأصلية كتبت بواسطة 7med*

ومالها كلمة "نظرتك دي !!!! "

زعلتك اوي يعني خلاص معلش ههههههههه
انا مش بستقل بحاجة انتي اللي بتستقلي بطلبة علوم مش حكاية فقرا ولا اغنيا الغنى مش بالفلوس بس ممكن بالدين او بالعلم او الاخلاق دول بقى من الاغنياء بالعلم يبقى منستقلش بيهم
انا عارف كل اللي انت بتقوليه يمكن انا بفكر بطريقة مختلفة شوية عن بقية الناس لأني ببص للكلية من اكتر من زاوية يعني مش علشان مثلا الدكاترة بياخدوا فلوس كتير او المهندسين (ده طبعا زمان) يبقى اخش ادرس فيها على طول حتى لو كنت مش بطيق الرياضيات او الاحياء .... او مثلا علشان الحقوق واخدين وضع في البلد ومركز وكده يعني يبقى ادخل حقوق حتى لو مكنتش بعرف احفظ
بس لو على صيدلة : انتي متخيلة ان الصيادلة دول يعني بيخدوا ملايين .. عادي يعني زي اي حد تاني صحيح هي ممكن تفلت مع واحد اتعين في شركة ادوية انما حتى لو سافر بره مش هياخد حاجة (في السعودية الصيادلة بياخدو 2500 ريال وشغل 24 ساعة يعني اقل من موظف في احد الشركات ويكون معاه بكالوريوس تجارة وشوفي الفرق في الدراسة بقى) المهم يكون الواحد حابب اللي بيدرسه يعني لو كل واحد دخل اللي بيحبه (بس دي بقى مش احلام وردية ) هنبقى برده احسن بلد في العالم انما دلوقتي احنا ماشيين ورا "اقتصاد القطيع" لفظ غريب شوية بس معناه ان مثلا (معلش في التشبيه بس انا سامع الكلمة بالمثال ده) لو شفتي خروف واقف عند شجرة لواحده هتلاقي بعد شوية جي خروف وقف وراه واللي بعده كده وهكذا لغاية مايعملوا طابور وهما في الاصل مش عارفين وقفوا كده ليه ... احنا بقى بقينا كده
زمان كان الدكتور والصيدلي بيكسبوا الوفات فالاجيال اللي سبقتنا شافوا كده قالوا يبقى نخش الطب علشان نكسب فلوس كتير جينا احنا شفناهم قلنا ندخل طب وهندسة برده علشان نكسب فلوس وفضلنا كده لغاية مابقينا مليون دكتور ومليون صيدلي علشان كده ممكن تفتحي القسم الطبي هتلاقيني عامل تصويت عن ايه سبب دخولك الطب لأن مش معقولة كل الكم اللي في طب ده داخلها علشان حب في الاحياء لكن علشان يكسب فلوس زي ما كان اجدادنا بيكسبوا
ايه تبادل النظرات ده ههههههههههه
نظرتي هتودي الناس في داهية ليه يعني هو انا بقول اننا نحارب انا بقول نهتم بالعلم شوية زي مابنهتم بالافلام والاغاني وبالكورة وبالمظاهر اللي بقت في كل حاجة في حياتنا جت على العلم يعني هو اللي مش مناسب الفقر
ومكاسب الافلام ومكاسب عمرو دياب وتامر حسنى دي جاية منين من الشعب الغلبان برده
في اوروبا بيهتموا بكل حاجة انما احنا بنهتم بحاجات ونسيب حاجات تانية وهو ده اللي خلاهم يتقدموا واحنا نتخلف
انا بقى باعمل الاحلام الوردية دي علشان نفسي اشوف مصر حاجة تانية وهتبدأ بينا وللأسف علشان كل واحد بيقول زيك كده مش عارفين نتقدم

وياريت تبقي تكبري الخط شوية وتغيري اللون لأن عيني اتفقعت

انت كلامك صح وانا بردو كلامى صح هقولك على حاجة انا عمى كان ممكن يدخل طب ودخل علوم والوقتى استاذ فى جامعة قطر بمرتب مجزى جدا بس الوقتى زمن الوسايط والمحسوبيات الطريق الى هتكسب منة لازم تمشى وراة كمان احنا عايشين فى مجتمع لة عادات معينة يعنى المهندس مش زى خريج العلوم الى يعينى بيتعب ونفسة بيتقطع على الفاضى وفى الاخر يخرج يقعد على القهوة
لو انت بتحب علوم وداخل تتفوق فيها ماشى لكن فى حاله صاحب التوبيك هو جاب اصلا مجموع قليل فلو كان دخل علوم كان هيدخل عشان المجموع مش عشان بيحبها لكن انا معاك فى الى بيحب حاجة لازم يدخلها بغض النظر عن نظرة الى حولية بس تعالى نحسبها لو واحد دخل علوم مش هيلاقى شغل هنا واحتمال ضعيف لو لقى فرصة عمل برة لازم تاخد بالك ان احنا فى مصر الى عمرها مكانت فقيرة بس فيها سوء تخطيط واهدار للمال العام فلازم نحلم فى حدود مواردنا يعنى من الاخر انت تختار الحاجة الى تديك برستيج وفرصة عمل كويسة وداه بلا شك هيتحقق لما يدخل هندسة واى حد بيفكر كويس هيقول كدة وعلى العموم وجهة نظرك خيالية شوية بس تحترم وبالنسبة للصيدلة انا عارفة انهم مش بياخدو بالملايين بس المرتب اكتر من الطب الدكتور لو مرتبة زاد اوى مش بيزيد عن 500 جنية شهريا الصيدلى على الاقل 1000 جنية وكمان انا قولتلك انى عملية وببص لقدام انا اصلا بابا صيدلى ولو الصيدلى اتوفى بعد الشر علية يعنى ومعندوش ابن اوبنت صيدلى الصيدلية بتتقفل بص زى مقولتلك احنا الاتنين صح وكل واحد حر ومهما كانت الكلية الانسان ممكن ينجح ويتفوق فيها وبالتوفيق للجميع