اقتباس:
المشاركة الأصلية كتبت بواسطة hana montana
انت كلامك صح وانا بردو كلامى صح هقولك على حاجة انا عمى كان ممكن يدخل طب ودخل علوم والوقتى استاذ فى جامعة قطر بمرتب مجزى جدا بس الوقتى زمن الوسايط والمحسوبيات الطريق الى هتكسب منة لازم تمشى وراة كمان احنا عايشين فى مجتمع لة عادات معينة يعنى المهندس مش زى خريج العلوم الى يعينى بيتعب ونفسة بيتقطع على الفاضى وفى الاخر يخرج يقعد على القهوة
لو انت بتحب علوم وداخل تتفوق فيها ماشى لكن فى حاله صاحب التوبيك هو جاب اصلا مجموع قليل فلو كان دخل علوم كان هيدخل عشان المجموع مش عشان بيحبها لكن انا معاك فى الى بيحب حاجة لازم يدخلها بغض النظر عن نظرة الى حولية بس تعالى نحسبها لو واحد دخل علوم مش هيلاقى شغل هنا واحتمال ضعيف لو لقى فرصة عمل برة لازم تاخد بالك ان احنا فى مصر الى عمرها مكانت فقيرة بس فيها سوء تخطيط واهدار للمال العام فلازم نحلم فى حدود مواردنا يعنى من الاخر انت تختار الحاجة الى تديك برستيج وفرصة عمل كويسة وداه بلا شك هيتحقق لما يدخل هندسة واى حد بيفكر كويس هيقول كدة وعلى العموم وجهة نظرك خيالية شوية بس تحترم وبالنسبة للصيدلة انا عارفة انهم مش بياخدو بالملايين بس المرتب اكتر من الطب الدكتور لو مرتبة زاد اوى مش بيزيد عن 500 جنية شهريا الصيدلى على الاقل 1000 جنية وكمان انا قولتلك انى عملية وببص لقدام انا اصلا بابا صيدلى ولو الصيدلى اتوفى بعد الشر علية يعنى ومعندوش ابن اوبنت صيدلى الصيدلية بتتقفل بص زى مقولتلك احنا الاتنين صح وكل واحد حر ومهما كانت الكلية الانسان ممكن ينجح ويتفوق فيها وبالتوفيق للجميع
|
يعني انتي والدك صيدلي وعايزة متدخليش صيدلة ؟؟؟
لو معملتيش كده تبقي ......
ربنا يوفقك في الكلية يا دكتورة هانا
انا برده نفس النظام ووالدي دكتور وشكلي هادخل طب ان شاء الله
انا حابب الطب والعلوم بس كنت عايز اتوسع شوية في العلم بس مش مشكلة ، الطب برده في علم
المهم في الآخر نفيد البلد
وادعولي ادخل طب المنصورة