[اوركيديا]

فى ايه يا جماعه
واضح ان فى مفهوم غلط او حاجه محتاجه اعاده برمجه
يعنى ايه واحده تكلم حد فى التلفون لوحدها او تخرج معاه
ده لو كان خطيبها اللى هو الارتباط الرسمى
لا يجوز ليهم انهم يتكلموا فى امور زى اللى بيحصل دلوقتى فى التلفونات و لا يجوز ليهم اصلا انهم يخرجوا مع بعض لوحدهم بدون محرم
تقولولى فى الحب بقى بدون اى حاجه من دى بقى عادى
؟؟؟؟

منطق مين و شرع مين اللى بيحلل و يحرم على مزاج الفرد و الهوى الشخصى للانسان
مش معنى ان فى حاجه معينه موجوده تبقى هى الصح
و الكل يمشى على نفس المنوال
احنا لينا قدوه واحده و مثال واحد و تشريع واحد اللى بناخد منه
و
فيه حديث عن الرسول صلى الله عليه وسلم
عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح".
هذا الحديث أخرجه ابن ماجه والحاكم والبيهقي والطبراني وغيرهم.. وقال الحاكم: صحيح على شرط مسلم ولم يخرجاه.. والحديث حسن بمجموع طرقه.. وقد صحَّحه الشيخ الألباني رحمه الله في صحيح الجامع.

يبقى خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه ..

(حب = جواز) ...

و ليس ( حب = جواز + لما تُفرج )

و ليس (حب = جواز لما أمهد لأهلي)

و ليس (حب = جواز + بس لما نخلص الكلية ربنا يسهل)

فاهمين معايا اللى انا عايزه اوصله
يعنى مثلا لما الاقى ردود كتيره على منوال

المشاركة الأصلية كتبت بواسطة vampire1188

والله انا عن نفسي اه اتجوزها .. امال انا كنت بحب فيها ليه ؟!!!!
انتي لو هاتسأليني السؤال دا :
اه اتجوزها .. والا يبقى انا بثبت صحة نظرية الشباب اللي بيتسلى بالبنات

المشاركة الأصلية كتبت بواسطة أحمد2025

طيب ما انا ممكن أكون بكلم بنت وبحبها وبخرج معاها
وهى بتحبنى بجد وأنتم عارفين البنت لما بتحب بجد
ازاى بقى مجوزهاش فى الحالة دى؟؟

المشاركة الأصلية كتبت بواسطة closed forever

الاجابة باختصار
لو أنا واثق فى هذه الفتاة يبقى أتزوجها ومفيش أى مشكلة

المشاركة الأصلية كتبت بواسطة mstool

انا اتجوز البنت اللى بحبها بشرط واحد بس الاخلاص ليا و الحب دلوقتى و هعوضها و اخليها اسعد انسانة فى الدنيا بالحب و الكمياء دى افظع حاجة فى الحياة
لانة لو مجوزهاش يبقى دمرها و هيتحاسب جامد و مراتة اللى هيتجوزها هيكون عملت حاجة مع واحد قبلية و ممكن متقولوش و ساعتها ربنا يبقى بيعاقبة بكدة

المشاركة الأصلية كتبت بواسطة sa3eeed

وفى حالة تانيه انه شاب بيكلم بنت عشان بيحبها وعايز يرتبط بيها رسمى
ويتجوزها بس ظروفه ما تسمحش بكده فى الوقت الحاضر ويكون معرفها كده
مش بيضحك عليها ويكون فى احترام متبادل بين الطرفين وثقة وممكن يخروجوا
مع بعض كل ده فى اطار الاحترام وانا ممكن اتجوز من النوع ده

وفى حالة صداقة مثلا فترة الدراسة واحد بيكلم واحدة وبيخرجوا مع بعض وفسح وكلام ده
ولازم يكون فى احترام ووعى ما بين الاتنين ولو حبوا بعض ممكن يتجوزا
لو واحد حد التانى وراح اعترف له بحبه ممكن التانى يعمل له صدمة كبيره للاولانى

المشاركة الأصلية كتبت بواسطة شريف ابوالنصر

انا عن نفسى لو بكلم واحده فى التليفون وانا بحبها ومتاكد انها بتحبنى اكيد هتجوزها حتى واكيد مش هغدر بيها

المشاركة الأصلية كتبت بواسطة eng.midosaid

انا من وجهة نظري ان انا لو بحبها بجد طبعا اتجوزها

المشاركة الأصلية كتبت بواسطة vampire1188

وانا كدا كدا خسران .. انا اللي اعرفه انا واحد بحب واحده يبقي خلاص .. انا ملتزم اني افضل معاها

لإني حاطط هدف قدامي .. الا وهو الزواج .. او على الاقل .. ارتباط رسمي

المشاركة الأصلية كتبت بواسطة روميو

ولا تتجوز واحدة كنت بتكلمها بس بتحبها وكانت علاقتكم قدام الناس ومش دخلها اى حاجة وحشة ممكن تسئ ليكم والدافع فى العلاقة هو الحب والبنت كلمتك ووافقت تكلمك عشان بتحبك ياترى ده يكون ذنبها يا جماعة

و غيره و غيره و غيره
طيب ده معناه اييييييييه ؟؟؟؟
هو الحب خروجات و فسح وعادى بقت العمليه كده ؟؟
يا جماعه
رسول الله صلى الله عليه وآله وسلم قال : "لم يُر للمتحابين مثل النكاح".
مش لسه قدامك كتير لحد ما تكون نفسك و تجيب الشقة و المهر و اللذي منه
هل دلوقتى انتوا حتعدوا تحبوا فى بعض لغايه امتى
الحديث واضح
بتحبوا بعض
يبقى جواز
مفيش اشتغالات و تلفوانت و شاتات و هبل من ده
يروح يخطبك
مش قادر
يبقى خلاص
الموضوع ينتهى
انسيه عشان ربنا و ربنا حيديكى اللى احسن منه
الحب و الجواز و الله دول رزق
ربنا اللى بيديهم و هو وحده اللى عارف ايه اللى فيه الاصلح لينا

قال رسول الله صلى الله عليه و سلم : "إن روح القدس نفث في روعي أن نفسا لن تموت حتى تستكمل أجلها و تستوعب رزقها فاتقوا الله و أجملوا في الطلب و لا يحملن أحدكم استبطاء الرزق أن يطلبه بمعصية الله فإن الله تعالى لا يُنال ما عنده إلا بطاعته "
فاهمانى

لسه بدرى و الله على الحب بجد
عارفه كان فيه مثال قريته قبل كده
بيقولك

الطفل الصغير مثلا ... حمادة لو شاف تفاحة حمراء و جميلة هيحب ياكلها .. صح ؟؟
بس هو لسه بيرضع , معدته لسه مش متعودة على التفاح .. و لسه مش وقت أكل التفاح ليه .. لو كل التفاحة و صمم , و هو لسه صغير .. ايه اللي هيحصل له ؟؟
بطنة هتوجعه لأن معدته مش متعودة لسة , و مش ده الوقت المناسب لسه .. .. يعني لو أكل قبل المعاد . هيبقى فيه نتيجة سلبية ..
صح و لا لاء
؟؟؟


يلا فى رعايه الله