اقتباس:
المشاركة الأصلية كتبت بواسطة sobhy333
عارف يا ابو جهاد قرأت فى احدى المجلات الفنية اجور اعلامى التوك شو كاد ان يغمى على عارف عمرو اديب فى القاهرة اليوم الحلقة 9آلاف جنيه والعاشره مساءا منى الشازلى 7.5 آلاف جنيه اما 90دقيقة لمعتز الدمرداش يا حرام 4.5 اربعة آلاف ونصف بس ياحرام تعرف يا ابو جهاد ال90دقيقة دول يعنى فترة دراسية بشوف فيها الامرين اخد الغياب وانظم العمل داخل الفصل واسجل التاريخ والعنوان واكتب الموضوع واشرح باكثر من طريقة وادون الدرجات فى البرتفوليو ناهيك عن الاعداد المسبق فى دفتر التحضير بس انا مش زعلان يا ابو جهاد انا بس بوضح لحضرتك التعب اللى انت وانا فيه من20سنه وكنت باخد مكافأة امتحانات18جنيه ثمانية عشر جنيها بس لما تبحبح فى مصر يبقى مين الاولى تعرف يا ابو جهاد شريط الكاسيت 45دقيقة وماتش كرة القدم 45دقيقة وحلقة مسلسل تليفزيونى45دقيقة و الحصة داخل الفصل الدراسى45دقيقة بس الاولى ب2مليون جنيه والثانية 8الاف فى الفوز والثالثة 65الف والاخيرة بتاعتنا ب18جنيه متزعلشى منى يا ابو جهاد حبيت اطلع شويه من اللى جوايا علشان متعبشى سلام يا غالى
|
السلام عليكم
لو تمعنت ونظرت حضرتك جنبك لفترة بسيطة
تجد ان الله من عليك بنعم لا قبل لنا بها
والحكاية ان الرزق للجميع انزله الله علي عباده بالتساوي وكذلك النعم
بمعني ان الارزاق والنعم من الله سبحانه وتعالي ( كل واحد واخد ال 24 قيراط ) حضرتك واخد تماما 24 قيراط بتوع حضرتك
كاتب هذه السطور واخد 24 قيراط تمام بس لدي احساس ان الله سبحانه وتعالي اكرمني من حيث لا احتسب
وعندي احساس انهم اكتر من 24 قيراط
لا اريد التطويل عليك
اقرب المسافة شوية
انظر حولك مثلا ( لمذيعي التوك شو )وحاول تطلع علي احوالهم تجد لديهم حرمان من نعم لا قبل لنا بها
يا عم ان الحمد لله
ولو اقل من كده الحمد لله
ولو مافيش حاجه خالص ( ................) بس الحمد لله
ابو جهاد عودة