اولا الف شكر على الموضوع المفيد والنقاش الهادف ...
انا ف رأيي ان في موضوع زي دا مينفعش نبص للمشكلة الموجودة بس
الف شكر لسيادتك على الرد الجميل والوافي الكافي
لازم نرجع نشوف ايه الاسباب الحقيقية لكل دا ..
انا ف رأيي ان اهم الاسباب دي هو مستوى الفساد الديني والاخلاقي اللي وصلنا ليه بسبب الاعلام والفن والثقافات الاجنبي
فعلا يا فندم سيادتك عندك حق بس نتغلب على المشكلة دي ازاي ؟؟
وكمان سبب هو الفقر والجهل بسبب الفساد في بلدنا وعدم تكافؤ الفرص ووجود رشاوي ومحسوبية .... ووجود ناس بيخلصو أول بأول على فلوس الدولة ... بدون ذكر اسامي ..
دلوقتي معظم الشباب ( اولاد وبنات )... نلاقي الواحد منهم منبهر بالحضارات والثقافات الاوربية
اه صح أنا بقيت بحس ان الجاهل هو الى ميعرفش ان الممثلة الاجنبية الشهيرة سابت ده ورجعت لده ومسمعش الفيلم الاخير للبطل العالمى ومحفظش الاغنية الاخيرة للنجم العالمي ...كل اهتمامات الشباب اجنبية بصورة جعلتنى أتسأل هل هدا ثقافة ولا هيافة ؟؟
وشايف ان هوا دا اللي بيلائم العصر فعلا ... وكلهم او معظمهم بيتبرو من اصلهم ومن ثقافتهم وعادات وتقاليد العرب والمسلمين
الواحد مش عارف يعمل ايه بس ....فعلا ..
بقو مؤمنين بمبدأ التحرر ف كل حاجة ... ومبدأ البقاء للاصلح والاصلح في نظرهم هو صاحب المال والنفوذ ....
وكلهم بيتاثرو بكده بنسب مختلفة ...
اه والله صح
بس ف النهاية معظمنا بيتاثر بكده وفعلا بيكون دا تقليد اعمى لانه بيقلد من غير ميعرف دا صح ولا غلط .... لكن هو منبهر بيه عشان شايفينهم ناس عايشين في رخاء ونظام ومعندهمش تدهور زينا ..
ومن نتايج دا ان الطبقة الوسطى بقت بتنكر طبقى الفقراء نهائي
وطبقى الاغنياء مش معترفين الا بنفسهم ف الدنيا دي ..
وان الباقيين خدم عندهم ...
بقو بيعاملو اي حد فقير على انه عبد ويذلوه وهو كتير اوي مبيقدرش يتكلم عشان يلاقي لقمة عيش ليه ولاهله ...
لما يكون فيه حد جاهل ومش متعلم مبيفكروش ان ظروفه مسمحتلهوش الا بكده وبيستعرو منه .....
الغريب ف الموضوع ان الفقرا نفسهم بيتاثرو بنفس الكلام دا ...
تلاقو واحد فقير سواق تكتك مثلا والفلوس اللي بيجيبها يدوب تكفيه هوا واهله ...
وتلاقوه بيخلصها ع السجاير .
حقيقة واقعة .. ربنا يهديهم
وبعد ميبقى معاه مبلغ يجري يشتريله موبايل احسن نوع
وهو متوقع ان هوا دا الصح وانو كده بقى ف مستوى راقي واعلى من اللي زيه ...
طب وبعدين هيفهم امتى ده ؟؟
مع ان اللي بيسمو بالواحد دينه واخلاقه حتى لو فقير وحتى لو مش متعلم
علىراي الشاعر لا تحسبن العلم ينفع وحده ما لم يتوج ربه بخلاق
لو كل مسلم عرف دينه صح والتزم بيه وبالاخلاق هيعرف ان فعلا لا فضل لعربي على اعجمي الا بالتقوى ..
كله هيقدر قيمة الانسان ومش هيبقى فيه فرق من زبال وسواق تكتك ومحافظ ووزير ورئيس جمهورية ...
طول البلد ما فيها فساد ديني واخلاقي وثقاف وسياسي هنفضل كل يوم نشوف اكتر من كده بكتير ...
وتسلموو تاني مرة على النقائ الجميل واعذروني اني طولت بس حبيت اوضح راي ....