[misterzook]

يا جماعة المنشور ده كما فهمت نزل فى اغسطس 2009 و فى 80 الف متعاقدين كمعلم مساعد من يناير 2008 يعنى مر علينا عام وسبعة اشهر بدون اى ارشادات عن الدبلومة لغير التربويين مما اضاع فرصة التقديم فى الدبلومة التربوية من اغسطس 2008 يعنى كان ممكن دلوقتى نكون حصلنا عليها واحنا لسه هنبدأ السنة دى يعنى هتنتهى فى يوليو 2010 وكمان icdl لم نعرف عنها اى شيىء لكن دى ممكن يكون امرها سهل لمعظمنا يعنى المدة اللى فاتت نتحاسب عليها ازاى واحنا لا نعلم عن هذه الشروط اى شيىء وعقبال منخلص الدبلومة هيكون خلصوا العامين قانونا وكمان فات 6 شهور من السنة الزيادة اللى بقرار من الوزير ولما نكمل الملف الموجود فى المنشور بوجود الدبلومة والicdl هنقدم فى اخر يوليو او اول اغسطس 2010 ده لو مكانش فى دور ثان للدبلومة اللى بيبقى فى سبتمبر وده شيىء وارد المهم ان احنا كده مقدمناش الا فرصة واحدة للتقديم فى الاكاديمية وليس لنا الحق فى التقديم مرة اخرى لأن العقد تنتهى السنة الثالثة فيه و هى بقرار من الوزير فى يناير 2011 يعنى اللى يفشل فى اختبارات الاكاديمية فى اغسطس 2010 مش هيلحق يعدى عليه 6 شهور علشان يمتحن تانى
وهذا المنشور يفيد المتعاقدين الجدد لان امامهم الفرصة لكن القدامى ضاعت عليهم 95% من الفرص
يعنى نتحاسب على حاجة مكناش نعرفها او احنا المفروض كنا نضرب الودع ونقرأ الطالع علشان نعرف الشروط وناخد فرصتنا ونقدم بعد اول 6 شهور من التعاقد غصب عن المدير والادارة والوزارة لأنهم مايعرفوش اللى هيحصل
اقترح يااخوانى الاعزاء اذا لم يعطونا الفرصة كاملة ان نتضامن ونقيم دعوى قضائية لأخذ حقوقنا