[الباش مهندس]

المشاركة الأصلية كتبت بواسطة mr.katkoot

السلام عليكو


انا عندى عده نقاط عاوز اتكلم عنها

اولا : يا ريت محدش يزعل منى لانى ردى هيبقى ناشف شويتين تلاته

ثانيا : نخش ف الموضوع
الموضوع ده كفكره مش جامد اوى فيه مثلا ناس كاتيبين ان الفكره جامده وكده وهتعمل نشاط بين الاعضاء وكده يعنى انا بقول من وجهه نظرى ان الموضوع مش هيعمل نشاط ولا حاجه لان كل واحد ع المنتدى وانا منهم لما اجى اكتب الاعضاء ف المسابقه دى هكتب صحابى اللى قريبين منى وعارفهم وكده ( زى ما حد قال مش فاكر مين والله ) يعنى مش ليها لازمه المسابقه دى لانها ف الاخر بتعتمد ع المجاملات.


ثالثا : هنمسك الالقاب دول لقب لقب

1- أكتر عضو محبوب
( لو انا مثلا واحد صاحبى اوى بحبه هكتبه اكيد يعنى كل واحد هيكتب صاحبه يعنى اكتر واحد ليه صحاب ع المنتدى هياخد اللقب ده لان عدد الاعضاء ف المنتدى ضخم وبالتالى محدش هيقدر يقول مين بالظبط )

2- أكتر عضو متفاعل
( لو انا معتاد انى اخش ع قسم معين ( معظمنا بيعمل كده لانه بيميل لحاجه معينه زى مثل قسم الاذكياء ....الخ هتلاقى ان حد معين برده هوه اللى متفاعل وكده )

3-أكتر عضو متواجد
( ده بقى اللى فيه عك جامد لان انا مثلا لما اجى ابص ف المتواجدين الان بلاقى كتير جدا غالبا بيعدو ال200 فمن المستحيل انى كل ما اخش اقراهم فانت مش بتعرف مين اللى موجود باستمرار الا الادارين و المشرفين عشان لون عضويتهم بيكون مختلف فبيشدوا الانتباه )

4-أكتر عضو نشيط
( ده برده زى ما قولت لحضراتكووو كل واحد بيميل لقسم معين فبيشوف واحد فيه نشيط فالاختيار بيكون مش مظبوط )

5-أكتر عضو طيب
( اكيد هتختار صاحبك لان كلمته وعارفه وكده يعنى مثلا مش هتكتب اى واحد والسلام لانك مكلمتوش ومش تعرفه

6-أكتر عضو قريب من الاعضاء
( ده بقى لقب حلو والاختيار فيه بيكون مظبووط الى حد ما بس مش 100% يعنى )

7-أكتر عضو رزين
( وانت ايه اللى هيعرف سعادتك انه اللى هتكتبه رزين ولا لا انا مثلا ممكن اكون متعفرط بس ف كتاباتى ف المنتدى تحس انى رزين وعال ع العموم لقب مش وحش يعنى )

8-أكتر عضو حكيم
( نفس الكلام اللى ع العضو لرزين )

9-أكتر عضو عبقرى
( ده ممكن نقيمه من خلال مسابقه مثلا )

10-سوبر ستار شباب المنتدى
( انا مش فااهم اساسا ايه سوبر ستار المنتدى ده !!! )

11-سوبر استار بنات المنتدى
( زى اللى فوقيه )

12-أكتر مشرف نشيط
( غالبا سيادتك مش هتكتب الاختيار الصح لانك مش بتخش ع جميع الاقسام يعنى مش هتشوف شغل كل المشرفين )

13-أكتر مشرف سوبر نشيط
( ده بقه بصراحه مش فاهم ايه المشرف السوبر ده لو هوه بيكون مشرف ع كل الاقسام يعنى فده بيكون لقب حلو لان الكل شايفه )

14-أكتر مشرف إدارى نشيط
( ده بقى لقب تمام لان الكل بيشوف شغلهم )



هكمل الرد بعدين لانى ايدى وجعتنى من كتر الكتابه
سلالالالالالالالالام


تحياتى

mr.katkoot

تقريباً كان هيكون هوا دة نفس الرد بتاعي
لا وأل اية علي رأي المثل
ان كان حبيبك عسل ( سدوا واستريح )
وان نزل الطوفان ( ما تلحسوش كلو )
وتحياتي لكل المجاملين واللي عايزين اصحابهم يبقوا فوق اوق اوي