رباعيات.. حماريات
يا مدمنين الزجل و الشعر و القافيــــة
كلامكوا زي العسل و العيشة بالعافيـة
لو كل شطرة بشلن هتبقوا أغني الناس
لكن نصيبكوا كدا هيجيب لكوا الكافية
الجحش يسأل حمار تعالي نشرب حشيش
و لو قفشنـــــا البوليس إزاي هيعمل فيش
قال الحمار كلمته طول عمري باكل فـيه
ضيع كمان صحتي خلينــــا يابني نعيش
الدنيا زي الحمارة تركبهــا تملك لجامـــــها
علشان م ترمح بيك رجليك بتضرب جنابــها
و إذا ركبتك هي حوافرهـــــــا تدهس فــيك
و تبقي ليها الضحية و الناس هيكتر كلامها
حمار حصاوى مشى عمــــال يدق الأرض
مرة يقيس الطول و الثانيـــــة قاس العرض
نفسه يجيب بردعــــــة و يهز في كتافـــــه
تقول عليه الجحوش أكبر حمار ع الأرض
|