[ba7eb alahly awi]

المشاركة الأصلية كتبت بواسطة تسابيح النجوم

السلام عليكم ورحمة الله وبركاته

كل سنة وانتم طيبين ويارب تكونوا بخير دايما....
بصراحة أنا مرعوبة وبرده فرحانة ،عشان بقيت طالبة جامعية
وانا بجد مش عارفة أي حاجة وفي أي حاجة في الكلية
اللي أنا هدخلها ......
وحبيت أسألكم بقي هي معلومات عامة في كل الكليات

الكلية بوجه عام:::

(1) هو المذاكرة في الكلية تبقي زي الثانوي ولا ايه؟؟
(2) ايه الفرق بين المعيد والدكتور؟؟
(3)وايه الفرق بين السكشن والمحاضرة؟؟
(4)وهل فعلا الدكتور هو المتحكم فينا يعني منعرفش نستخدم اللماضة معاه!!
(5) هو انتم بتقعدوا في اول دسك ههههههههه
(6) هو ايه اتحاد الطلبة دا ؟؟؟ وبيختاروا اللي فيه ع اساس ايه؟؟؟
ــــــــــــــــــ

الكتابة :::

دي بقي يعتبر اهم سؤال بالنسبة لي ....
هو احنا لازم نكتب كل كلمة الدكتور او المعيد يقولها ولا لا....
أصلي لما بكتب بسرعة مش بفهم حاجةمن خطي طبعا ....
ولا ممكن نسجل للدكتور ونخلص ..........

الصداقة :::

بصراحة أنا خايفة اكلم حد في الكلية او اعرف ناس
مكنتش اعرفهم قبل كدا ... لان لما كنت راحة اقدم
كانت فيه بنات مغرورة ومتكبرة مش عارفة ع ايه يعني
وغير كدا اني لما كنت في المدرسة حصلي موقف مع واحدة
ومش هنساه عمري اكيد ...وكنت بعملها كويس
وطلعت في الاخر نفسيتها مش كويسة اطلاقا
بتحقد من غير داعي ....وانا محبش
اتعرض لموقف مرتين ........
ياريت ياجماعة حد يساعدني عشان أنا حاسه اني تايهة
لحد لما افتكر لكم أسئلة تانية

في أمان الله

بسم الله الرحمن الرحيم
اجابه السؤال الاول(ما خدنهاش قبل كده)
اجابه السؤال التاني(الدكتور بيشرح الدروس)والمعيد بيعيد اللي قاله الدكتور معروفه يعني
اجابه السؤال التالت(السكشن بيكون فيه ناس قليله اما المحاضره بيكون فيها ناس كتيره):abdoog8:
اجابه السؤال الرابع(لماضه مع دكتور هو احنا حنستهبل)
اجابه السؤال الخامس(لأ احنا بنفضل الركن البعيد الهادي)
اجابه السؤال السادس(اتحاد الطلبه ده زي اتحادالطلبه اللي كان في المدرسه بس علي اوسع وبيختاروا فيه علي اساس انك لو حزب وطني ومؤيد للحكومه تنجح اما لو كنت من الاخوان المسلمين او ليك اي انتماءات حزبيه غير الحزب الوطني حبيب الشعب مش تدخل الانتخابات اصلا)
اجابه السؤال السابع(الكتابه)
يا شيخه تكتبي ليه اصلا خليها علي الله انتي تقعدي كده في الديسك ودن من طين وودن من عجين)
اجابه السؤال التامن(الاصدقاء)

انظر لكتاب اللغه العربيه الصف الثاني الثانوي(موضوع الاصدقاء للمتنبي باين او حاجه زي كده)
بس خلاص