[أسيل رزق]

بجد ... أول مرة في حياتي اعرف كدا
أنا بحسب المعيد اللي هو بيجيب امتياز وبعد كدا ع طول بيتعين
بس هو الماجستير دا بيتعمل في اد ايه ؟؟

إحم إحم
لا مهو ممكن لو جايب تقدير عالى و فى تعيينات فى الكلية للمعيدين بيدخلوا و ممكن يحضروا ماجستير على أمل إنهم يتأهلوا لتحضير الدكتوراه
الموضوع كبير كبير كبير
الماجستير بيكون تقريباً 4 أو 5 سنين و فى ناس بتخلصه فى سنة

بس ازاي بقي نصاحب الدكاتره خلينا نتعلم حاجة للزمن

لو الدكتور ظريف و لذيذ و حليوة كده معاكم يبقى ممكن تتكلمى معاه و تتلامضى عليه ذاكريله كلمتين من كتابه إسأليه كام سؤال حلوين لما يسأل إرفعى إديكى حتى لو ماتعرفيش الاجابة إتفلسفى و خلاص .. حسسيه إنك مش بتذاكرى ولا بتحضرى إلا مادته
إنما لو دكتور معقد و مكلكع أحسنلك و أحسنلنا تلعبى زوما على موبايلك و لا كونكت فور

هو ايه المشكلة في التسجيل عشان يحصل دا كله ؟؟؟

لا طبعاً دى مشكلة كبيرة لإنك بتسجلى صوتك على غير رضاهم و ممكن يتهموكى إنك بتسرقى حقوقهم الفكرية و بتوديها للمراكز بتاعة الملازم و الورق المضروب و ساعتها يا أمورة هتاكلى عيش و حلاوة لغاية لما الدبان يتلم عليكى
و بسمع إن فى دكاترة بيقبلوا التسجيل بس لسه ماشفتهمش بصراحة

بس هو انتي كمان يااسيل بتاعة مراكب
هى مراكب بس دى مراكب و هاند فرى و كونكت فور و كرانشى و جيلى كولا كمان .. بس بقى بلاش أفضح نفسى أكتر من كده علشان مايقولولش دى هتبوظ الطلبة و يطردونى من القسم
ههههههههههههههههه
بموت فيها انا
بس حلوة االفكرة بتاعة الاصحاب دي
يارب اقابل دكاترة اولاد حلال كدا
هههههه طيبة أوى انتى

بس انا هقلك حاجة هل لو واحد طلب كشكولي مثلا الم عليه الكلية واللي اقلعه الشوز؟؟

لا تلمى و لا تنشرى قوليله بس أنا تبع مها هتلاقيه إعتذرلك و راح على بيتهم جرى
ههههههههههه
ايه الطريقة الذوق في التعامل ؟؟ اصل فيه ناس بتعمل 5 تناحة ويبقي نهار بتنجان
لا يا بنتى عادى ممكن تديله المحاضرات عادى بس لو إستعبط ركبى الوش الخشب
أصل فى الأول تلاقيهم محترمين و يا آنسة و حضرتك و بعد إذنك و لما يتعودوا على بعض بتحسى إن هزارهم هزار بوابين تلاقيه بيقول للبنت اجرى يا بت روحى جيبيلى علبة سجاير و صدقينى حصلت ادام عينى و نفس الكلام البنات بس هما بيقولوا قوم ياض هاتلى سندوشت شاورما جامبو و كانز ضايت ( و هى أصلاً 270 كيلو )
ملخص الكلام يعنى إبعدى عن الشر و غنيله

ما بلاش اللون ده معانا
اشكال ايه يا ام اشكال ال اشكال قال
متبوظيش المنظر العام خللى الشباب تعيش

إظهر و بان .. حتى أنت يا بروتس!!
كلامك صح يا مها ياريت تخليكى مع صحباتك وبس هترتاحى اكتر

ماجبتش حاجة من عندى !! ..

كدا واحد واحد يا مها

ماااااشى

المهم عايزة أنصحك نصيحة ماتنسيش تكتمى موبايلك قبل ما تبدأ المحاضرة علشان ماتسمعيش السمفونية الكميلة بتاعة الدكاترة و يبقى منظرك وحش قدام الدفعة كلها
ههههه مرة كنت قاعدة فى النص و واحدة صحبتى قاعدة قدام و مركزة أوى مع الدكتور مع إننا فى محاضراته بنبقى شبه البلاليص و خصوصاً هى قلت أخليها تفوق من التركيز و أرن عليها و ماكنتش عارفة إنها عملاه عام و رن فى المحاضرة و إتطردت بسببى

ها
هل لديكى أقوال أخرى ؟؟