طبعا لكل واحد وجهة نظر لازم نحترمها
لكن اعتقد الفرق كبيييير قوى بين الشعر وبين الاغانى بتاعة اليومين دول
الشعر ده فن راقى والواحد ممكن يعبر بيه عن اللى جواه سواء كان دينى سياسى رومانسى اى حاجة يعنى
وان الواحد يكون رومانسى ده مش بأيده ربنا خلقه كده منقدرش نقولله متحسش بكذا وحس بكذا
بس الاغانى بقت حاجة تانية خالص دلوقتى اى واحد يطلع يقول اى كلام ويبقى اشهر واحد فى بلدك ! وفى كلمات مبتبقاش لائقه اساسا وفى كلام اصلا محرم كتييير بيتقال فى الاغانى
والله الموضوع فيه اختلاف كبير وانا مش هقوللك انا اتولدت كده وعمرى ما سمعت اغانى وبتاع ، اكيد طبعا سمعت وفى اغانى بتفكرنى بمواقف او اماكن بحبها بس اعتقد انها مضيعه للوقت اكتر من اى حاجة تانية
واعتقد الامور اللى بيبقى فيها اختلاف دى بيبقى احسن حل فيها اننا نتجنب الرأى اللى ممكن يوقعنا فى غلط واحنا مش حاسيين
وانت قلت ان الاناشيد الدينيه كتير والحمد لله يبقى ايه لازمة اننا نوجع دماغنا بحاجة احنا مش متأكدين منها
وعموما ربنا يهدينا ويرشدنا للصواب جميعا ان شاء الله