السلام عليكم
وعليكم السلام ورحمه الله وبركاته
بجد موضوعك متميز يا دكتورة ودا مش جديد عليكى
متميز يوجود حضرتك يافندم
وميرسى لذوق حضرتك
ربنا يكرمك يارب
متشكره على الدعوه دى
وربنا يكرم كل المسلمين
موضوعك دا بيفتح ملف تانى يا دكتورة
اتا بعتبر النقد بصفة عامة = الصراحة ودا طبعا رأى الشخصى
مع حضرتك فى النقطه دى
وكان عندنا مادة فرعية السنة دى علم نفس
والدكتور قال كلمة علقة اوى فى دماغى
الصراحة هى اقصر الطرق للوصول للهدف
فعلا الصراحه اقصر طريقه علشان اوصل بيها حاجه
ومن الاخر لو بصينا لمفهوم الصراحة واهمية تطبيقها فى حياتنا
هنلاقى انها اقرب الطرق لحل مشاكلنا
واسهل الوسائل للوصول لقلوب الناس
طبعا فية ناس بتقول اية يا عم الى بتقولة دة
دا انت لو رحت قولت لواحد اى حاجة فية هيقولك انت بتكرهنى زى ما انتى بتقولى
وفعلا كلامك صح طيب لية صح ولية الفكرة دى عند الناس ؟؟
فى الجزء دة لو بصينا للناس هنلاقيهم بيتقسمو لـ 3 انواع
انا كنت شفت موضوع فى مكان تانى بيتكلم على حاجة زى كدة وكان فية الجزء دة وفعلا اقتنعت بية جدا
المهم هقول الى انا اقتنعت بية
لو بصينا للبشر هنلاقى البشر 3 انواع
اول نوع صريح جدا
والفئة دى صريحة تماما حتى لو كانت الصراحة هتسبب احراج البعض
وكمان بيعتبرو ان المجاملة ولو بشكل طفيف هى نفاق
!!!!!!!!!!
تانى نوع صريح بس مجامل شوية
ودول نظرتهم اننا لازم نعامل الناس زى ما احنا عاوزين انهم يعاملونا
( حب لاخيك ما تحبة لنفسك )
ورايهم ان الحياة متنفعش تستمر بدون شوية مجاملة
لان الصداقة متستمرش لو مجاملتش صديقك
رايهم ان مفيش مانع من المجاملة لو نتايجها هتكون مرضية
!!!!!!!!!!!!
تالت نوع
مجامل جدا
والنوع دة ميعرفش حاجة اسمها صراحة
راية ان عشان تنجح فى الدنيا دى لازم تجامل كل الناس الى حواليك
وبيشوف ان الصداقة دى حاجة وحشة وقلة ادب يعنى من الاخر
طبعا كل الكلام دا الناس فاكرة انة خارج الموضوع
لا والله هوة دة الموضوع
كل شخص حسب الفئة الى هوة منها بيكون رد فعلة ناتج عنها
طبعا التلات فئات الى فوق دول انا مش معاهم كلهم لان كلهم عيوبهم واضحة جدا
الاول شايف انة لو جرح الناس اهون علية من انة يجاملة وشايف ان المجاملة نفاق
التانى شايف ان المجاملة مفيش منها مانع لو هتجيب نتايج سعيدة وطبعا المجاملة تعتبر نفاق
التالت دا النفاق ذات نفسة
بمعنى ان انا لو صريح جدا ( النوع الاول )
الى هيجى يقولى عيوبى عمرى ما هزعل منة بالعكس هحبة اوى
بس لو حد جية يشكرنى على حاجة هفتكرة منافق !!
يعنى كل فئة رد فعها ناتج عن تفكيرها هيا الى بتستخدمة
انا مع حضرتك ان سواء الفعل اللى الانسان بيقوم بيه او رد الفعل اللى بيرد بيه على الناس ناتج عن اسلوبه فى التفكير
يارب يكون قصدى وصلك يا دكتورة
امممممممممممممم انا بصراحه
فهمت اللى حضرتك تقصده
بس مع ذلك معرفتش الحل
لو احنا قسمنا البشر
ل3 انواع دول
وقلنا المجامله=نفاق
كده يبقى كل البشر اللى فى الدنيا غلط
الصريح اوى مش عاجب الناس
وكمان بيشوف ان اغلب المدح نفاق
الشخصيه التانيه
بتحاول باقل خسائر انها توصل للناس
يعنى مش لازم اخسر الناس وانا بقول الحقيقه
النوعيه التالته
منافقه من الاخر كده
ومعاهم معاهم عليهم عليهم
وغلط نهائى
طيب فين الصح؟
لو طلعنا التلاته للاسف غلط يبقى مفيش صح
مضطرين ندور على نوعيه رابعه من البشر
يعنى تقول الحقيقه كامله من غير ماتجامل وكمان من غير ماتزعل حد وكمان من غير ماتشوف كل مدح نفاق
3فى 1
بس اعتقد ان النقد معتمد على شخصيتين مش شخصيه واحده
الناقد والمنتقد
بس بجد موضوع متميز والله
بجد نورت التوبيك كتير
شكرا على الموضوع يا دكتورة
لا شكر على واجب
فى رعاية الله