اسلام بص حكملك شوية بصراحة
طبعاً انا عارف ردك ليا اول ما تشوف ردي حتقولي مين العيل الجديد اللى داخل يتكلم ده كمان
انا حكملك كعضو عادي يعرفك كتملي غتيت مش كاسلام ولا جايد
على فكرة انا عمرى ما اتكبرت على حد ولا كنت بتاع شو
واكبر دليل على ده ان الكل وابسط مثال بكون اكبر منهم ب7 او 8 سنين وبيقوله اسلام عادى
وبهزر وبضحك مع الكل
انا في رد ليا قلتلك " لأ غتيت غتيت فعلاً "
بصراحة بغض النظر عن تاريخك سواء كنت شخصية فكاهية او غيره بس قدام الناس الجديدة واللى انا منهم اسلوبك كان بيحتمل السخرية
كمان كثرة تغيير اسمك كانت بتهمش من شخصيتك
كنت بعرفك بالصدفة لما حد من اللى يعرفوك بيقولك يا اسلام
من خلال متابعي لردودك عرفت إنك اداري قديم هنا
اسلوب بدأ يكون ساخر اكتر
كان فيك نوع من التكبر
فأنت اداري كبير وعلى الكل ان يحترمك
المنتدى كان تحتك ايدك في يوم من الايام
بس دلوقتي كعضو جديد محدش يعرفك شعبيتك قلت كتير
في ناس كتير زهقوا من ردودك
اتوقفت
حسيت بالاهانة
فانت كاداري قديم لا يجوز لك غلق المواضيع
مين اللى قال الكلام ده انا ديما كنت بتوقف وانا عضو وانا ادارى وانا مدير وانا نائب للادارة
وكان ليا مواضيع بتتقفل وبتتحذف
وكنت بقول الناس دى ادره بشغلها
مكنتش وخدها فتونه ولا فرد عضلات
بدأت تدخل بعضويات جديدة تتهم فيها الادارة مباشرة
مشكلتك إنك مش بتوضح إنك بريء من التهم
لكن بتوضح إنه الادارة برده متهمة
بس اتهامات عشوائية لا ادلة عليها
انا متهمتش حد بحاجة بس انا بتكلم عن وضع عام
موضوع ان مشرف يقفل ومشرف يرجع يفتح وخناقات والكلام ده ميخصنيش لانه فى النهاية شقاوة مشرفين
مع بعض بس متقصرش بقى علينا
ومحبش حد يجى مهما كان صفته يفرد نفسه عليه وده اللى حصل
لان انا محدش يعمل ولا يتعامل معايا كده لا على المنتدى ولا فى الواقع
يعنى اللى عايز يفرض شخصيته يفرضها بس فى الحق
مش يقضيها بقى تلكيك وكلام من ده
وبالتالي فلا قيمة لها
سبنا من الكلام عنك كتاريخ
حتكلم عنك في آخر اسبوعين ليك
بتقول المنتدى ده مش بيهمك في حاجة
والادارة زي الزفت
ومستوى النقاش اصبح دني بين الادارة والاعضاء
والمواضيع تميل إلى التفاهة ولا قيمة لها
والنت مليان مواقع ومنتديات
واتوقفت ميت مرة في المنتدى ده
والاعضاء ما اكثر من علق على كلامك منهم
فاي تلك الاسباب يدفعك للاستمرار فيه مرة أخرى ؟
انا قولت انى بتكلم فى نقطة معينة الا وهى ان اى شخص معندوش شخصية سواء على او بره النت
ويجى عايز يعمل شخصية عليه
والحمد لله شرف لاى حد من الاداريين انه يوقفنى
ده حتى بيتكتب فى الcv بتاعه لو ساب الادارة
بيقول انا انجزت وحققت عدة اشياء
وفى الاخر بيقول وقفت المرشد
وانا قولت ان الايقاف ملوش اهمية عندى ومش هزعل لو اتوقفت بسبب وده فعلا حصل اخر مرة
بس اكتر حاجة تضايق لما تتوقف وتدخل بكل احترام وتكلم فى حاجة معينة تلقى رسالة ظريفة بتقولك انت موقوف
للمرة التانية علشان عملت عضوية
قولت ياجماعة دى عضوية قديمة
قالوا ملناش فيه متدخلش المنتدى وخلاص مدام موقوف
ضربت مثال بالدكتور سعيد وعضوية بوجى وشريف الخضرى وعضوية المشرف
طبعا محدش علق او طنشه بمعنى اصح
انا لو حصلت على نص الاسباب ده مش حدخل تاني المنتدى اصلاً
فهل تجد أنه لا تناقض بين ما تقول وما تفعل ؟
لا طبعا مفيش تناقض اقول لحضرتك ليه لان انا تعبت فى المنتدى ده زى ناس كتير تعبت وسهرت فيه وضيعت من وقتها ومجهودها عليه
وفى الاخر ملقوش حتى الاحترام
علشان مشرف ب500 مشاركة يتعين ويعمل عليك سوبر مان
ده كل الموضوع
هل جملتك بإنك أنت حاطط القوانين ده تقصد بيها إنك بريء منها ولا يجب تطبيقها عليك ؟؟؟
لا طبعا والا مكنش زمانى اتوقفت اكتر من 20 مرة على مدار 3 سنين فى المنتدى
لو واحد دخل بعضوية جديدة وعمل شغب واتوقف هل نسيبله عضويته القديمة لانها بتاريخ قديم
انا مدخلتش بعضوية جديدة وعملت شغب مفيش اى شغب
انا غلطت مع عضو فى موضوع واللورد يومها وقفنى
دخلت بعضوية تانبة وشاركت عادى جدا من غير اى غلط
لكن محمد بيه افتى انه لا يجوز واتكلمنا فى الاسباب اللى فاتت
قلت اللى عندي وياريت ترد بشويش لو رديت وبلاش خناق