المميزة دي عبارة عن مجموعة من ضمن مجموعات كلية التجارة في جامعة القاهرة
جامعة القاهرة بيتم تقسيمها عموما لحوالي 7 مجموعات
منهم 4 مجموعات انتظام .. و 3 مجموعات انتساب
والتقسيم بيبقي طبقاً للترتيب الابجدى
انتظام فيها مجموعة أ - مجموعة ب - مجموعة ج - مجموعة د
اما انتساب .. فيها مجموعة هـ - مجموعة و - مجموعة د
وكل مجموعة ليها ترتيب ابجدي معين
ظهر اختراع جديد من 3 سنين بالظبط .. اسمه المجموعة المميزة ..
ودي اول ما اخترعوها كانت لبتوع سنة تالته ورابعة
وكان شرط الالتحاق بيها ان الطالب يحصل على تقدير جيد جدا
السنة اللي قبل اللي فاتت بقى تم اختراع المجموعة المميزة دي
وبقت متاحة لطلبة سنة اولى المستجدين
وبقى شرط دخولها انك تكون جايب مجموع عالى .. والمجموع العالى غالبا طبعا بيبقي في التسعينات
وبشكل عام .. الالتحاق بالمجموعة المميزة دا اختيارى وليس اجبارى
يعني ممكن اكون انا جايب مجموع كبير ومش عايز اخشها ..
وممكن في سنة تانية او تالته اجيب تقدير جيد جدا ومابقاش عايز اخشها برده
عشان كدا الالتحاق بيها بيبقي من خلال استمارة بيتم ملئ بيناتها في شئون الطلبة
والمجموعة المميزة دي حاجة اسبيشيال يعني ..
دراستهم بتبقي في مبنى تجارة انجليش .. عددهم قليل (حوالي 50 طالب بس) .. ليهم سكاشن
بس قرفها بقي في الحضور والغياب .. والميد تيرم ..
من الاخر المجموعة المميزة ليها نفس صلاحيات طلاب تجارة انجليش .. ولكن باختلاف بسيط اوي ..
وهوا ان المجموعة المميزة مش بيدرسوا بالانجليش ولكن بيدرسوا بالعربي
لكن المواد واسلوب الشرح واماكن الشرح والدكاترة وتوزيع الدرجات والامتحانات بنفس نظام تجارة انجليش