مشكلة عويصة , فينكم يا بتوع حاسبات ... ؟!
السلام عليكم
كل سنة و انتم طيبين
اعرفكم بنفسي : اسمي / علي
من اسكندرية
طبعاً انا جات لي حاسبات حلوان
و الحمد لله انها جات لي الكلية دي
لان كلها كمبيوتر
و انا بموت في الكمبيوتر من و انا في ابتدائي
طبعاً سمعت اقاويل بتقول ان جامعة حلوان مش معترف بيها دولياً في حكاية العمل و التوظيف ...
و حطوا خط تحت كلمة دولياً دي ...
و علشان كده امي عاوزاني احول عين شمس او القاهرة بعد اول سنة ....
لكن الاقاويل دي مقتنعتش بيها ....
و مع ذلك مش لاقي اللي يرشدني ...
هل الجامعة الممتازة دي مش معترف بيها دولياً ؟
ثانياً : انا سألت عن قسم هندسة البرمجيات ....
و قالوا لي انه قسم مميز و عدد الطلبة قليل , و له شئون ظلبة خاصة بيه , و بيعتبروه افضل من الاقسام العادية ...
الكلام ده كله جميل و ممتاز , و بصراحه كان نفسي ابقى مهندس برمجة من زمان ...
لكن المشكلة العويصة ان جامعة حلوان و بس هى اللي فيها القسم ده ...
و زي ما قلت ان والدتي عاوزاني احول عين شمس , او القاهرة , لان الجامعتين دول معترف بيهم دولياً - على حسب الاقاويل - ....
علشان كده عاوز اعرف تفاصيل اكتر عن القسم ...
هل له اكل عيش بره مصر و جوه مصر برضه ؟
هل ينفع اشتغل بره باسم جامعة حلوان ؟
و هل بابقى مهندس برمجة فعلاً و لا باخد بكالوريوس علوم حاسب .. علشان برضه ناس بتقول لي ح تاخد بكالوريوس علوم حاسب مش هندسة برمجيات !!!
ارجو الحل
و الافادة
و جزاكم الله كل خير
|