اقتباس:
المشاركة الأصلية كتبت بواسطة pureheart
1- انتى قولتى انك جابتى مجموع وحش فى تانيه طب ايه السبب بابكى و لا حاجة تانية ؟
كان في مشاكل ف البيت بين اهلي وكانوا هينفصلوا قبل امتحاناتي بشهر وبعديها انا تعبت قبل الامتحانات باسبوعين بسبب مشاكلهم ومكنتش بتحرك من السرير وع طول ماشيه بالمحاليل
2- انتى قولتى ان مامتك عنده الكنسر ( ربنا يشفيها ان شاء الله ) طب هى حالتها ايه دلوقتى و رايها ايه فى اللى بيحصل ؟
هي مش والدتي بس اكتر بالنسبالي من والدتي وده اثر عليا كتير والحمد لله خفت بعد سنه من العلاج بالكيماوي هي شايفه اني المفروض ادخل المجال اللي انا حباه وماماتي كمان شايفه كده بس مش قادره تقف قصاد بابا لانه صعب وم بيقبلش يسمع رأي اي حد حتى اهله رأيه وبس
3- انتى عندك اخوات و لا انتى الوحيدة ؟
عندي اخت واحده ف 5 ابتدائي وطلعها من مدرسه تجريبي دخلها حكومي مدرسه اعدادي بنين فيها فصل واحد فاتح للابتدائي بدون علم اي حد ع اول السنه رايحين نشتريلها هدوم للمدرسه فوجئنا انه بيقول الزي اتغير بسبب تغييره للمدرسه حتى ماما اتفاجئت
4- انتى قولتى انه عايزك تشتغلى اول ما تخلصى هل ده بسبب الظروف المالية و لا ايه ؟
اكيد هو ضيع فرص كتير من ايده ممكن كان يبقى من اغنى الاغنياء لاننا كنا برا اصلا واول م رجعنا مصر خواته ضحكوا عليه لحد م خسرنا كل حاجه وحتى اي فلوس نصيبنا من ورث او حاجه بقى يديها لاخواته وعندنا شقه تانيه تسوى 80 الف ممكن يبيعها ونحسن وضعنا وهو رافض لحد م يجوزني لاي حد بدري بدري عشان اكمل تعليمي ع حساب العريس واخفف م المصاريف لان والدتي رفضت تشتغل عشانه بياخد الفلوس وطبعا هو فاكرني مش هشتغل زيها وعايزه شهاده اتمنظر بيها
لو مش عايزة تجاوبى على الاسئلة يبقى و لا كانك شايفها
اديني جاوبت اهو بس انا فعلا بكره الشخص ده حتى مش قادره انطق كلمه بابا بسببه
|
اولا انا مشكوره جدا للردود يا جماعه
ثانيا هو بيكره يسمع اي رأي غير نفسه لان بباه كان شيخ عشان كده شايف نفسه عالم ودايما يقوللي كل الناس بتاخد برأيي انا انا الكل ف الكل ووالدي فقيد الامه الاسلاميه وانتي عاصيه مش زيينا
كل ده لاني عايزه اعيش زي م انا بختار
سواء مجال الدراسه او العمل
مش زييه
هو مجبر ع العييشه دي لانه يستاهلها
كسول
بس انا مش كده ابدا
وعمري م هبقى زييه
غير كده وانا ف علمي دايما كان يقوللي يا باشمهندسه
اول م طلعت الدرجه قعد يشتم ويقوللي انا طلعت عمتك من هندسه وكسرت كل قلامها وكراريسها وعمري م كنت هقبل انك تخشي هندسه حتى لو جتلك وكنتي جايبه 99.9 لاني اصلا مش هشغلك مهندسه
نفسي افهم لو هو رافض الهندسه ليه م الاول كان موافق
وبعد كده قاللي انتي عاصيبه كملتي علمي لو كنتي سمعتي كلامي ودخلتي ادبي كان زمانك ف اعلام زي م كلمت ناس لجيراننا ف اعلام القاهره
واول م قدمت ع المنحه بعد م وافق ف اعلام وهو رفضهالي قاللي اعهلام وسطها زباله وعمري م كنت هشغلك بيها ومش هرضى عنك انتي عاصيه
انا نفسي افهم البني ادم ده عايز ايه
انا بجد نفسيتي اتدمرت بسببه
بكرهه والله بكرهه
وبعد نم المنحه راحجت قاعد يضحك ومبسوط ف البيت وعايش حياته ويقوللي ان ربنا م جابش المنحه ليكي بسببي لان انا مش عايزو عشان تشوفي مكانتي عنده
وتعرفي قيمه ابوكي وم تعصيهوش لو ع رقبتك لو طموحك حاجه وانا عايز حاجه كلامي انا اللي هيمشي لان انا رب البيت
مع ان قدامي فرصه اني اروح اكلم العميد عشان يديني المنحه هو قعد يهزقني وقاللي انتي ولا حاجه ومتشعبطه ف اوهام اعرفي قدر نفسك وشتايم وكلام بجد مش قادره اتحمله
والله والله والله الناهرده كنت هسيبله البيت
انا فمدرستي فصل واحد علمي رياضه
كلهم مهعد هندسي و2 الجامعه الخاصه اللي كنت هقدم فيها بس ال2 دول قدموا هندسه
وانا الوحيده اللي اعلام وكنت اقل واحده
كمان م جتليش اعلام
وانا كنت اشطر واحده ف الفصل
والله كنت بشرح للبنات
والله كمان مره والاساتذه كانت تقوللي لولا ظروفك دي انتي الاولى ع المحافظه ف الرياضيات والفيزيا والكيميا
وف اعلام واحده انا كنت بعلمها ف المسابقات اللي تبع الاعلام اللي كنت بشترك فيها خدت منحه مجانيه
لان بباها واقف معاها وكلملها ناس
مش انا بروح لوحدي الجامعه واسأل وماما معايا وهي كمان مش فاهمه زيي
وهو عارف كل حاجه وسايبنا كده
انا اشتركت قبل كده ف برامج ف الاذاعه هنا وهو كان بيشجعني لانه حاول كذا مره ف مجال الاعلام
وفشل
اول م فشل كره الاعلام وقاللي من 94 الناس م اتعينتش انتي يا مفعوصه هتتعيني حتى لو كنتي موهوبه طز مش هتلاقي تعيين
قلتله انت عارف مذاكرتي ممكن اكون معيده وده فعلا طموحي قعد يهزأ ويقوللي ملعون ابو الطموح انتي ولا حاجه
انا والله اتدمرت بسببه
قولولي بالله عليكوا اعمل ايه
انا والله بموت