السلام عليكم
بقالى كتيير معملتش مواضيع فى القسم العام
علشان الصراحة لما أجى فى القسم دة بلاقى المواضيع كلها شبة بعض
يأما تلاقى واحد تانى بيحكيلك قصة حياتة 
المهم فية موضوع كدة جاى على بالى بقالة كتيير أوى أوى وقولت لازم أناقشة معاكم يمكن نوصل لحل المشكلة دى
أو يمكن نكون أحنا المشكلة نفسها
كل مأمشى فى حتة الاقى الى عمال يشتكى والى عمال يقول الأسعار بقت نار والى عمال يقول البلد دى مفهاش شغل والى عمال يقول مش عارف أجيب عيش
بزمتكم أنتم حاسين بظلم فى البلد دى ؟؟
هيا فين البلد اصلا!!
طب طالما حاسين بظلم لية متطلعوش وتعملوا مظاهرات أو حتة ثورة زى زمان
زمان لما بيكون فيه ثورة كنت بتلاقي الشعب كله دلوقتي لو في ثورة هتلاقي تلاتة اربعة والباقي في جزيرة القطن
ولا أنتم بتحبوا تشتكوا وخلاص عمال على بطال
احنا خلاص مش بقينا بنشتكي كتير زي الاول تقدر تقول اخدنا على كدة 
من كام يوم طلعلنا مشكلة وهيا تحديد النت وبتاع
لقينا بسم الله ماشاء الله شباب مصر ظهرت وطلعت عملت أحتجاجات قدام شركات النت
هههههههههه مش في مثل بيقول بيجي في الهايفة ويتصدر !!.
وبعديها بكام يوم القرار دة أتلغى
هوا من الاول طبيعي اوي انه كان هيتلغى مش بس عشان الشعب بس لاسباب كتيييييير اوي دا كفاية سايت التربية والتعليم الي لما بدل بيجيلي شلل رعاش دا لوحده كان هياخد الاشتراك كله !!
شوفتوا بقى لما أتكلمتم وبقيتوا يد واحدة أزاى قدرتم توصلوا للى أنتم عايزينة
علشان دة موضوع تافهة ومش هيأثر على البشاوات في حاجة صدقني لكن لو موضوع مهم ويخصهم واتكلمنا فيه هناخد على دماغنا
ومش هيحصل حاجة
ولا أنتم مش فالحين الا فى كدة وبس
احنا فالحين في حاجات كتييييييير بس المشكلة ان احنا مش عندنا شجاعة وبنخاف
أهم حاجة عايزين النت علشان مش عايزين نتفرج على هيفاء وهيا بترقص 
من غير محد يقطع النت عننا لا أحنا عايزين نبقى free يامان
هههههههههه جبت التايهة (بس انا مش بحب هيفاء ممكن البت لهلوبة بحبها اوي )
مننكرش أن القرار دة كان فية بعض الظلم علشان فية ناس عايزة النت علشان شغل
وأنا واحد منهم مع أنة مكنش هيظلمنى
دي الفكرة بقى في انه كدة كدة كان هيتلغي
بس كل الى كانوا بيعملوا أحتجاجات
الى يقولك لا أزاى يحددوا النت
أنا كدة مش هقدر أحمل أفلام جديدة
والى يقولك مش هقدر أحمل أغانى والى يقولك علشان أعمل دونلود 24 ساعة
براحتى يااااة للدرجة دى
ههههه اكل العيش مر
هو دة بس الى بتفكروا فية ياشبابنا والى زعلانين علية وبعد القرار على طول بقيتوا يد واحدة وعملتوا مظاهرات بس هسألكم سؤال
وصلتوا للى أنتم عايزينوا ولا لا ؟؟؟
طبعآ وصلتوا للى أنتم عايزينوا
وانا مالي انا مش كنت في المظاهرة
طب لية منبقاش أيجابين شوية
لية نقعد كل يوم نشتكى ونقول البلد بايظة البلد خربانة الحكومة ظالمة 
يعني هما مش عارفين نفسهم 
بس تقدر تقول مش في دم والحكومة دي ولا هتاخد منهم حاجة لنهم مش عارفين حاجة اصلا
طب مهو أنتم لو حاسين بظلم لية متتكلموش زى متكلمتم على تحديد النت ؟؟؟
مين الي قال ان احنا مش اتكلمنا بس شوفت الي اتكلم حصل معاه اية ؟ انا عارفة ان المفروض نكون احسن من كدة ونتكلم ونعترض بس لازم نكون كلنا مش مجموعة صغيرة
هقولكم كام حاجة كدة بس محدش يقولى أنت بتدافع عن البلد أو الحكومة أو واحد تانى يقولى أنت أتلاقيك تبع الحزب الوطنى لا أنا أنسان مواطن مصرى زيى زيكم
نيجى للبطالة
هو بجد فية بطالة ؟ ولا كلام وبس
في بطالة طبعا !!.هسالك سؤال شوف كام طالب جامعي وطالبة جامعية بيتخرجوا ومش عارفين هيشتغلوا اية ؟ مش تقول الشغل كتير وخلاص .في طموح
طب ياعم أنت يالى مش لاقى فلوس طب بدل متصرف فلوسك على الحشيش والبانجو والمخدرات أصرفها على حاجة تنفعك وبدل مأنت قاعد على القهاوى بتكركر معسل روح دور على شغل وهتلاقى بأذن الله
طيب ما هوا في ناس مش معاها فلوس اصلا تصرفها لافي مخدرات ولا قهوة
والله فية شغل على قفا من يشيل
وكمان تشتغل أى شغلانة المهم تكون حلال
و واحدة واحدة ربنا هيكرمك
صح كلامك بس في ناس عندها طموح يعني مش معقول واحد يروح يشتغل اي شغلانة وخلاص ويقول يالا معلش . يمكن تكون دي البداية وربنا يكرمه عشن بيتعب بس للاسف المهن البسيطة زي النجار والسباك والقهوجي وغيره مش بتلاقي احترامها هنا في البلد المتخلفة دي . شوف برا بيتعاملوا مع المهن دي ازاي؟ زيهم زي الدكتور والمهندس لأنهم بيعملوا حاجات مهمة اوي مش نقدر نستغنى عنها عشان كدة الناس بتشتغل ومش بيهمها
وكمان هو أنت بتجيب الفلوس الى بتشترى بيها الزفت دة منين ؟؟
أنا أعرف ناس بتشتغل والله علشان يجيبوا بيها سجاير وتلاقى ياعينى أبنة فى المدرسة مش عارف يدفع مصاريف الكتب
الشطان شاطر بقى ههههههه
بجد والله الناس دي بيكونوا في قمة التفاهة واللا مبالاة ومعاك ان الحكومة مش ليها اي دخل بيهم
والأخر نقعد على المصاطب ونقعد نولول
ونقول الكلام الى خلاص زهقنا منة بجد
دة أيام عبد الناصر علشان رغيف العيش غلا
نص فرنك قامت ثورة
انتا قولت ايام عبد الناصر مش .... (انا عارفة اني هروح في داهية النهاردة بسببك ههههههه )
وأحنا عاملين نتكلم ونشتكى وبس
حتة لما الأسعار نزلت برضوا بنشتكى
اللحمة الى كانت بــ 50 جنية بقت بـ 25 جنية
فرن العيش بقى فية دقيق وبقى فاضى عن الأول
طبعآ كل مكان و بيختلف
وكمان هتقعد تقول فين أيام زمان
زمان يا والدى كنت بتاخد مرتب أكتر حاجة 5 جنية
بس زمان الاسعار كان شكلها اية ؟
دلوقتى بقى مرتبك ميقلش عن 500 جنية
زمان يا والدى كنا 25 مليون نسمة
دلوقتى قربنا على 90 مليون نسمة
مصر متميزة في كل حاجة
وتقولى الحكومة ومش الحكومة هو مش أنت الى بتخلف 7 أو 8 وبعد كدة تشتكتى !!
غير كدة مش من كام شهر حصلت حاجة اسمها أزمة أقتصادية ولا مسمعتش عنها ؟؟
شوفت الدول التانية حصلها أية ؟؟
ياترى بزمتك أنت حسيت أن الأزمة أثرت فى مصر ؟
دة بالعكس والمرتبات عليت كمان 
دي عندك حق فيها اوي
هتقعد تقول الرئيس دة وحش وهو الى عمل فينا كدة طب هو مش أنت الى بتنتخبة ؟؟
نقعد نقول رئيس ظالم وحكم ظالم
ويوم الأنتخابات تلاقى الى يقولك أية دة الرئيس بيدى 50 جنية وكيلو لحمة للى هينتخبة تلاقى الشعب كلة نسى الى قالوا ويروح الأنتخابات ويقعد يقول فداك نفسى وروحى يا ريس
ههههههههههه
بجد أحنا شعب نستاهل الى بيجرى وبيحصل فينا
ولو أحنا حاسيين أن فية ظلم فى البلد كنا عملنا حاجة لا بنتكلم وبس
يا ترى بعد الكلام دة كلة
أنت (ى) معايا فى الكلام دة ولا ضدى ؟؟
معاك ومش معاك
ولية ؟؟؟؟
انا شرحتلك فوق
ومين المشكلة أحنا ولا الحكومة ؟؟
عم حسين البواب
ههههه لا مش قصدي
الاتنين احنا والحكومة غلطانين والله
ولية الناس كلها نفسيتها بايظة ومحدش طايق نفسة ولا طايق غيرة ؟؟
بزمتك يعني شايف الدنيا ورد وفل اوي يعني
عبر وقولك رأيك بكل صراحة ومن غير مجاملة
اكتر من كدة هنتحبس
وكل عام وأنتم بخير