اقتباس:
المشاركة الأصلية كتبت بواسطة محمد مدكور
من كام يوم طلعلنا مشكلة وهيا تحديد النت وبتاع
لقينا بسم الله ماشاء الله شباب مصر ظهرت وطلعت عملت أحتجاجات قدام شركات النت
وبعديها بكام يوم القرار دة أتلغى
أهم حاجة عايزين النت علشان مش عايزين نتفرج على هيفاء وهيا بترقص  من غير محد يقطع النت عننا لا أحنا عايزين نبقى Free يامان
|
ايوه كل الناس اللى اشتكت عشان اهتماماتها المختلفة سواء افلام ولا شات ولا لعب ولا شغل
والقرار ده كان مأثر على كل فرد بشكل مباشر
في حين القرارات التانية بتبقى مش مباشرة اوي ومش على كل الناس
فتكوين المظاهرات بيبقى صعب
ثم إنه الحكاية اكبر من اللى احنا شايفينه
دلوقتي في ضغط على الشركة
زي ما يكون معاك ماسورة مية كبيرة
ده النت وتفرع منه انابيب صغيرة للبيوت
ييجي صاحب البيت يفرع من الانبوبة الصغيرة ده انابيب تاني
واحد يخرم الانابيب ده عشان يوزع المية على الافراد اللى معاه
كل ده بيعمل ضغط وبيأثر على منسوب المية الاصلي
ونظراً لأنه المخارج الخاصة بالنت في السنترال الاصلية قد امتلات فالشركة مش عارفة تعمل زي خوادم جديدة
وبالتالي تروح تضغط على الشعب عشان يقللوا الضغط ده شوية
لكن الحقيقة والعادل إنهم يضغطوا عالسنترال هو اللى يوفرلهم مخارج جديدة يحملوا عليها خطوط جديدة
وده اللى المفروض يحصل دلوقتي
وزي ما وضح احد الاعضاء احنا هنا تظاهرنا امام شركة مش امام حكومة
وعلى الرغم من ذلك جات الشرطة وفضت المظاهرة
فما بالك لما ييجي الامن في مظاهرة حكومية ...
اقتباس:
بطالة ؟ ولا كلام وبس
طب ياعم أنت يالى مش لاقى فلوس طب بدل متصرف فلوسك على الحشيش والبانجو والمخدرات أصرفها على حاجة تنفعك وبدل مأنت قاعد على القهاوى بتكركر معسل روح دور على شغل وهتلاقى بأذن الله
والله فية شغل على قفا من يشيل
وكمان تشتغل أى شغلانة المهم تكون حلال
و واحدة واحدة ربنا هيكرمك
وكمان هو أنت بتجيب الفلوس الى بتشترى بيها الزفت دة منين ؟؟
|
هي البطالة إني بحشش وقاعد عالقهوة وبس
لو قلتلك اشتغل بمرتب 50 واشتغل بمرتب 100 جنيه في فرق بين الشغلين (غير كيلو لحمة )
الاتنين سواء
يبقى ايه لازمة إني اشتغل واتعب عشان عشان 100 ولا 200 جنيه في الشهر
هو انا يبقى اسمي بشتغل ومش بقبض حاجة ؟
مهي ده بطالة برده بس غير ظاهرة
لما واحد يكون كفؤ لوظيفة ويترفض عشان يحل محله واحد بواسطة مبيفهمش في حاجة
مش ده سبب في البطالة
البطالة من تاني او تالت المشاكل اللى بتواجه مصر اقتصادياً اصلا
يبقى في بطالة ؟
وعلى فكرة مش كل الناس بتحشش وبتجيب بانجو وكده
ممكن آخرهم سجاير كيلوباترا عشان الهم اللى هما فيه بس (مقلتش إنه صح)
اقتباس:
زمان يا والدى كنت بتاخد مرتب أكتر حاجة 5 جنية
دلوقتى بقى مرتبك ميقلش عن 500 جنية
زمان يا والدى كنا 25 مليون نسمة
دلوقتى قربنا على 90 مليون نسمة
وتقولى الحكومة ومش الحكومة هو مش أنت الى بتخلف 7 أو 8 وبعد كدة تشتكتى !!
|
زمان كنت تنزل السوق بجنيه تشتري اللى انت عايزه
وتشتري شقة صغيرة بال5 جنيه ده
ومرتب ايه دلوقتي اللى 500 جنيه وفي ناس معدتش ال250 لحد دلوقتي
احنا اكتر من تلت الشعب تحت خط الفقر والتلت التاني عند خط الفقر بل اكتر من كده
ولو قلنا 500 جنيه تعمل بيها ايه ده في الزمن ده
حتجيبلك 10 كيلو لحمة 
ودخلت ليه في موضوع بتخلف كام
على فكرة بطلت غير حكاية ال7 و 8 عيال دول
دلوقتي المتوسط 3 او 4 بالكتير
اكتر عدد شفته هو 5
اللى بيزيد عن كده ممكن اللى في القرى او الناس القديمة وكده
لكن مش بتوصل لـ8 يعني
ومش ححنخوض في حكاية تحديد النسل
اقتباس:
غير كدة مش من كام شهر حصلت حاجة اسمها أزمة أقتصادية ولا مسمعتش عنها ؟؟
شوفت الدول التانية حصلها أية ؟؟
ياترى بزمتك أنت حسيت أن الأزمة أثرت فى مصر ؟
دة بالعكس والمرتبات عليت كمان
|
فعلاً ومصر كانت اقدر على مقاومة وامتصاص الازمة ده
بس ده ايه علاقتها في الموضوع
هو عملنا ثورة ساعتها فعزلونا عن الازمة مثلاً
ولا بتبين إنه البلد مفهاش فساد مطلقاً
************************************************** ********************
اقتباس:
المشاركة الأصلية كتبت بواسطة محمد مدكور
متنساش أنى قولت
طالما أحنا شايفين أن فية ظلم
لية منعملش زى معملنا على موضوع النت ؟؟
ومتنساش برضوا أننا الى بنختار دة
ومهما كان مرتب الشغل الى بتشتغلة هيبقى أفضل طبعآ من القعود على القهاوى
منتظر عودتك
|
لو حشتغل ب100 ولا 200 جنيه يبقى اقعد عالقهوة اسهل
اديني رجعت ورديت على الموضوع