بوابة الثانوية العامة المصرية - عرض مشاركة واحدة

Amethyst · #11 23-08-2009, 05:03 PM

نزلت مصر لأول مرة
كان عمري 5 سنوات
كنا نازلين في الشتاء
و كان فيه مطرة يومها
أول ما وصلت
الانطباع كان زفت من أولها
قلت لماما :
ماما .. هي الشوارع فيها ورق كتير و حاجات كده على الأرض كتير كده ليه ؟!
قالت لي : هي مصر كده
ممم .. زعلت طبعاً

شوية و سألتها تاني :
ماما
هي الأرض عليها طين و تراب كتير كده ليه ؟!
قالت لي : هي مصر كده
ساعتها اتخنقت بقى

كل حاجة هي كده
هي كده

** مواقف و أنا في مصر **

* رحت عند دكتور مرة
الطبيعي بتاعه
بيدي للأطفال شيكولاتة
أنا بصيت لشكل الشيكولاتة
تؤ ..
مش عاجبني
قمت قلت له :
إيييييييييه ده ..
انت مش دكتور ..
دي شيكولاتة تجيبها دي
ده منظر دكتور
كان منظره زفت زفت فعلاً

** مرة كنا في سوبر ماركت
و بعدين ماما كانت عند الكاشير
و أنا انسحبت بهدوء و خرجت بره
و مشيت شوية قدام
كنت ناوية أرجعت تاني يعني
:d
المهم قابلت واحدة
وقفتني
قالت لي :
تيجي معايا ؟
قلت لها : لأ
قالت لي تعالي معايا و هاجيبلك جنيه
قلت لها : انتِ هبلة يا بت (مع انها كبيرة سناً)
جنيه ايه ده اللي هاخده

و سبتها و جريت على ماما
كانت خرجت و بتدور عليا
قلت لها بقى
قعدت تضحك
و بعدين بعد كده مرضيتش تخرجني معاها

***

ما كفاية عليكم كده
روحوا اقرأوا قرآن شوية
عندنا لسة 40 دقيقة
سيبونا نقرأ قرآن بقى

نكمل بعدين
انتظروا