[The Philosopher]

بسم الله الرحمن الرحيم
ان شاء الله أبدأ أرد من المشاركة الأولى دى وبعدين أشوف بقية المشاركات

المشاركة الأصلية كتبت بواسطة أحمد2025

ــ (( السلام عليكم ورحمة الله وبركاته )) ــ

وعليكم السلام ورحمة الله وبركاته

أزيكم يا جماعة عاملين ايه؟ يارب تكونوا بخير وفى الجنة جميعا ان شاء الله
مش عارف بقى ياجماعة أنا ليه الحق ان اكتب موضوع زى ده ولا لا, بس عامة انا مش بحب اسيب حاجة فى قلبى ومبقولهاش,ولو انا أخدت فرصه فى المنتدى حقيقى هكتب حاجات كتير قوى

لا طبعا أنت ليك حق تكتب فى أى موضوع يعجبك بس يكون فى حدود القوانين اللى حطتها ادارة المنتدى للمواضيع وفى حدود الأخلاق والأدب والاحترام

كتير ياجماعة أنا بفكر,بفكر فى البنات,بفكر ازاى عايشين؟
الحمد لله أنا أخواتى عايشين كويسين ومرتاحين وفى أحسن حال
ازاى هما مستحملين الدنيا كده؟ ازاى العادات والتقاليد دمرتنا قوى كده؟؟
دمرتنا ازاى يعنى
مش عارف لغاية دلوقتى انا ايه فى دماغى اكتبة بس انا عايز اقول ان البنات اتظلموا قوى فى مجتمعنا
اتظلموا : فعل ماض
مش عارف بس ممكن يكون أنا متأثر بحاجات بتحصل للبنات
فى المجتمع علشان كده انا بكتب الموضوع
متفق معاك فى النقطة دى فيه فعلا حاجات بتحصل للبنات فى المجتمع والحاجات دى فعلا غير أخلاقية وسببها مش لازم يكون نابع من عادتنا وتقاليدنا بس بيكون نتيجة لفساد الأخلاق وانهيار القيم
بيبقى فى ضغط وتوتر قوى على البنت من المجتمع نفسه
متفق معاك برده بس ده قل كتير جدا عن زمان ولكنه مازال موجود
فى بنات كتير قوى هتفهم الموضوع من أول سطرين أنا كتبتهم فوق بس أنا مش عايز أدخل فى تفاصيل علشان....
يا جماعة مجتمعنا وحش قوى
مش للدرجة دى يعنى المجتمع فيه نماذج كتير ايجابية ومش كل النماذج اللى موجودة فيه سلبية
يعنى ايه بنت تبقى ماشية فى الشارع وهى خايفة؟؟
بص أنا فاهم أنت تقصد ايه بس هقولك حاجة أى مجتمع فى الدنيا فيه الحلو وفيه الوحش يعنى أكيد فى أمريكا بيحصل حوادث ****** وكده بس فيه حاجة ممكن أقولها أن فيه ناس هتقول احترام البنت لذاتها بيفرض على الناس احترامها أكيد دى حاجة صح بس مش فى كل الأحوال بدليل أن الشباب اللى بيعكسوا البنات مش بيقتصر معاكستهم على البنات المتبرجات وبس لا دول بيعاكسوا من كل صنف ولون
يعنى ايه بنت تغطصب من عالم زبالة وهى ملهاش ذنب؟؟
ده مش موجود عندنا بس زى ماقلت موجود فى العالم كله
يعنى ايه بنت لما تعدى 20 سنة ومتخطبتش تقوم القيامة عليها؟؟
لا الكلام ده كان زمان يعنى هو لسه موجود بس بنسبة بسيطة أوى
يعنى ايه بنت تبقى حيتها كلها لغاية ما تجوز خوف وقلق وتوتر؟؟
لا م أعتقدش مفيش خوف ولا قلق ولا توتر ده كان زمان برده
يعنى ايه بنت لما تنجرح من حب مبتبقاش عايشة بعد كده؟؟
مش هعرف أرد بصراحة على السؤال ده بس هى فى الأول تعرف تختار الانسان الكويس ومش هتندم
يعنى ايه بنت لازم تتجوز أى حد وخلاص علشان يتستر عرضها؟؟
دا أنت قديم أوى
على فكرة أنا مش من القاهرة ولا من مدينة أصلا وبكلمك بعقلية أبناء الريف العاديين
أسئلة كتير قوى ياجماعة بتيجى فى دماغى أشد من دى بمراحل فى معناها
ياريت تقولنا عشان عايزين نعرف
أنا أصلا مش عارف أنا كتبتب الكلام ده ليه؟؟
بس هو ممكن يضايق ناس كتير ,بس ممكن يكون حبيت أعبر عن حاجات بتواجهة البنات
ياريت حد يقولى أنا غلطت لما كتبت الموضوع ده؟؟؟
وبرضه حاسس ان الموضوع ده ممكن يتذف كعادة مواضيع 2025
والسلام عليكم ورحمة الله وبركاته

لا أكيد طبعا مش غلطت
دا أنا حتى غيرت اللون اللى بكتب بيه عشان يكون ردى واضح
فى رعاية الله
وعليكم السلام ورحمة الله وبركاته