طب اسمعوا دى كتبتها الشهر اللى فات
بعترف ....
ولا كان فى بالى يا قلبى يوم
اسهر ليالى ولا ادوقش نوم
معاك برتاح
يا حبيبى ليك أنا بعترف
شوفتك فى يوم قلبى اتخطف
وكأنه وردة بتتقطف
وبتلمس ايديك
أنا ليك وبيك عمرى ابتدى
قرب يا عمرى اسمع كده
قلبى بلهفة عليك نده
ماهو روحه فيك
ولا غيرك انت يهمنى
قرب فى حضنى وضمنى
صوت الحنين بيهزنى
ملهوف عليك
ليك العيون اهى سلمت
فتنت عليا اتكلمت
عشقت ملاك واتعلمت
بتحن ليك