[BaNZeR]

بما إنك في اعدادي يبقى الكلام ده مش بتاعك

ولو كان الكلام ده بتاعك يبقى اسمحلي اصححلك بعض المفاهيم

المشاركة الأصلية كتبت بواسطة جعلتني مهندسا

2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا

احنا السكاشن ده بنحضر منها اللى يكمل المحاضرة ونادر لما المعيدين ياخدوا عليها درجات
المعيدين بيكبروا دماغهم ويسيبولنا حرية الاختيار
شايف الديموكراتية

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

قولنا ميت مرة ال5 سنين دول الاساسي من غير ما نحسب الاضافي
وبعدين حتشيل حتشيل بتفكر في ايه

طيب المذاكره ازاي .. سؤال وجيه

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)

كل ده
ايه رأيك إنه امتحاناتنا السنادي جت مختلفة في كل المواد عن جميع السنين السابقة
بس طبعاً احنا سنتنا مميزة من ايام الثانوية العامة
عشان كده مش حقارن
يلا

بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا

احنا بيحط امتحانا 4 دكاترة
منهم دكاترة بتبقى لسه جايلنا طازة في نص السنة من امريكا وواخدة الدكتوراة
كتب ايه يا راجل

في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك

قلما اه
في ثانوي كنت بتفهم
في هندسة بتحفظ وياريتك عارف تحفظ ازاي ولا منين ولا فين

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )

اول جملة تقولها صح
وابقى قابلني لو ذاكرت محاضرة بدري
مجرد التفكير ده شيء صعب اصلاً

حوال تأخذ قسط مناسب من الراحه ( بس متسوئش فيها ) يوميا علشان متزهقش من المذاكره
لأن معظم اعملك دلوقتي هيكون مع علمين فقط من العلوم اللي عرفتها قبل ككده .. الفرعين هما: الرياضيات و الفيزياء
تخيل كده 5 سنوات مفيش حاجه غير رياضيات و فيزيا ( يعععععععععع )

احم احم
قسط راحة
دحنا من غير مذاكرة ومكناش عارفين ناخد قسط راحة
معندناش اقساط احنا في هندسة
كله كاش

الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك

انت في معسكر طول السنة اصلاً
ودكتور ايه ده اللى تستجري تسأله
طب افرض سألك السؤال المحرج "انت مش سمعتني وانا بقولها في المحاضرة ؟ "
حتعمل ايه ؟

و ملكش دعوه باصحابك اللي في كليات اخري زي اداب و تجاره ...الخ.. لأن طبيعه مذاكرتك مختلفه عنهم.. انت محتاج مجهود جامد في حين هم المجهود اللي هيبذلوه اقل منك
فمش لما يقولوا لك ياللا نخرج في اي وقت كده توافق.. لأ .. لازم تشوف هل تقدر فعلا تخرج معاهم ولا عندك حاجات كنت المفروض تخلصها بس مخلصتش او مزنوق فيها اوي و مينفعش تتأجل

هما دول اصلاً بيروحو كلية عشان تعتبرهم في كلية
دول بيروحو يخبطوا عالباب لقيو في محاضرة يدخلو ملقيوش بيروحو

انت بتروح لو في محاضرة بتدخل لو مفيش بتستنى المحاضرة اللى بعدها عادي يعني

وكل سنة وانت طيب في كلية الهندسة
احم قصدي الهلوسة