[KeMoZzAzZ]

2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا

لا ثانيه بقى كده
السكاشن عندنا فى عين شمس المفروض انك لازم تحضرها اولا عليها الغياب ثانيا ان فى السكاشن تلت تربعها المفروض انها بتحل ومش فيها شرح اساسا الا قليل
المحاضرة هى اللى بيبقى فيها الشرح

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

ذاكر واهى دقنى لو فرقت
طيب المذاكره ازاي .. سؤال وجيه

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)
بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا
في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك
مين قال كده ؟؟؟
لا طبعا ولا حتى نفس الافكار
انت لازم انت اللى تفكر فى كل المسائل امال هيبقى امتحان ليه؟
يعنى من الاخر مش هتلاقى نفس الافكار دى الا فى مواد معينة انما عندى الفيزيا مثلا
لو لقيت مسألة واحده زى السنين اللى فاتت اديك اللى انت عايزه

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )
بس حاول بردو يعني متخليش حاجه تتراكم عليك( اصل المناهج كبيره اوي.. و هتحس بيها لما يبدا الاسبوع الثاني او الثالث في الكليه و تبدأ العمليه توسع منك)
هههههههه
اكيد هتحس الموضوع ده عشان انا حسيته كتير اووووى اووووى يعنى
واشد حاجه اما تحسه بقى قبل الامتحانات بأسبوع
اجل لنفسك يوم الخميس و الجمعه او السبت مثلا.. راحه.... علشان تجدد نشاطك للاسبوع اللي بعده.. الا لو كان عندك ظروف طارئه زي امتحان او حاجات متأخره عليك و ملحقتش تخلصها
قول يارب بس تعرف تاخده اجازة
مش بحبطك ولا حاجه بس يابنى انا بقولك الحقيقة المرة
احنا دايما بيخلوا عندنا الامتحانات يوم الجمعه اساسا عشان مايجوش على المحاضرات ويأخروها ....يعنى من الاخر فى شهور هتنسى فيها ان فى يوم جمعة اجازة
ايام الميدرمات و امتحانات آخر الترم...و ما قبلها
الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك
على رأيك يابنذر السنه كلها معسكر
سورى قصدى بنظر


و في النهايه... ابتسم.. لأنك في كليه الهلوسه اقصد الهندسه

مبتسمين ومنشكحين اوى كمان ماتخفش

[