انا برضه لسه داخلة الجامعة
بس عندي خبرة شوية بسبب قرايبي اللي في الجامعة
وان كنت برضه حاسة بالتوهان لأن معرفش حد أكبر مني في صيدلة
اعتقد ان اللي ردوا قبلي قالوا معظم اللي ممكن يتقال
بس عايزة ازود حاجة عليهم
أن المذاكرة وأسلوب المذاكرة بيختلف من شخص لشخص
يعني للأسف محدش حيقدر يفيدك أوي انت في الآخر اللي حتحددي الاسلوب اللي يناسبك
يعني ندخل اول اسبوع نحاول نشوف ايه انسب اسلوب للمذاكرة وتنظيم الوقت وكده
لغاية لما نتعود على الكلية
**********************************
أما بالنسبة للصداقة
فانا خايفة من الموضوع ده اوي لاني معرفش غير بنت واحدة من اللي داخلين معايا الكلية
(ويارتني ما كنت أعرفها)
فححاول الاول ما اتصحبش على حد
يعنى حتعامل معاهم انهم مجرد زمايل لغاية ما اشوف مين الكويس واتصاحب عليه
ونصيحة ماتثقيش في حد اوي لغاية ما تعرفيه كويس عشان ما تتصدميش
وحطي دايما في دماغك كل الاحتمالات الكويسة والوحشة
يعني متحطيش الاحتمالات الكويسة بس يقوم يضحك عليكي
او الوحشة بس تبقي بتظلمي الناس
خير الامور الوسط
*********************************
في ناس بتقعد وره وبتبقى متفوقة برضه
وفي ناس بتحب تقعد قدام
اعتقد انه حسب المكان اللي حترتاحي فيه وحسب اذا كنتي رايحة بدري وله متأخر
ممكن أول اسبوع تجربي القعدة مرة قدام ومرة وره ومرة في الوسط وتشوفي انهي احسن(فكرة عبقرية زيادة عن اللازم
انا مش عارفة انا جايبة العبقرية دي كلها منين)
ربنا يوفقك ويوفقنا إن شاء الله
سلام