بعدين ماما قدمت لي في مدرسة
واحدة – منها لله – صاحبة ماما
قالتلها إن المدرسة دي وحشة
ماما صدقتها - احم لأنها كانت بتسأل أي حد -
و كرهت المدرسة و مصر و الميس و صاحبة ماما و كل حاجة
لأنها ذكريات رخمة بالنسبة لي
لما بقى رحت مدرسة على مزاجي
مش العكس زي المَدرسة الأولى
فاكرة الميس بتاعة الميوزك
كانت بجد ممكن تنتحر بسببي
و بتقعد تبوس فيا و حاجات كده
مرة قالت لي مش معاكِ كشكول الموسيقى ليه يا حبيبتي
شكله مش حلو
قعدت 3 أسابيع كل مرة تقولي مش جبتيه ليه
كنت دايماً بتريق على اسم العائلة بتاعتها
مش قادرة أفتكر اسم العائلة أوي
بس فاكرة كنت بقول عليها ميس "مها رز" (( بمعنى أرز 
)) كان الدلع بتاعي في امدرسة مرمر
تقريباً مافيش حد بيقولي غير مرمر
فا كانوا مسمييني مرمر مشكلة
كنت مشكلة فعلاً كنت أشوف الميس تحكي في الموبايل
أكون جايباله المديرة قبل ما يولعها
* مرةواحد زميلي وقّع أكل على كتابي
و أنا كنت أموت لو الكتاب اتحط فيه قلم واحد حتى
حتى و لو كنت نقطة
كنت أبهدله أنا
قالت لي لأ طبعاً مش هينفع
قمت رايحة بقى و أخدة الكتاب
و تمت عملية الغسيل بنجاح ساحق منقطع النظير
و إن لله و إنا إليه راجعون
كنت في ابتدائي كان فيه مستر انجليش مصاحبني
كان بييجي في لجنتي ياخد الورقة باعتي و يمشي
و الورقة بترجعلي محلولة
حتى اسمي مكتوب
و أنا في في أولى اعدادي بقى
اتعقدت
بيقعد كل شوية يعرض عليا آخد درس عنده
و قال هيوديني للمديرة
و بعد محاولات
وداني للمديرة
و المديرة قعدت تسألني عن عمي
أخباره إيه و ساكن فين
و هو واقف ورايا و أنا قاعدة جنبها
بس كده
بعد كده بقيت حاجة تانية
يعني بقيت أحترم الناس
اتعلمت درس من اللي عملته كله
و بطلت الحمد لله
بقيت برخم عليكم انتوا بس
و على الناس القريبة مني
دي كانت قصتي
عارفة إنها مش قد كده
بس أهو
حاجة تمشي الموضوع
شكراً على متابعتكم
مستنية ردودكم
اللي أكيد أكيد أكيد
تريقة