[sympathique]

اسمحولى اشترك وياكم فى الموضوع ده

انا هحكى عن اتنين هما اصحابى ودلوقتى انا بكلم واحد فيهم بس

بس بلااااااااش اذكر اسماءهم علشان الاحراج

الاول انا ليا واحد صاحبى فى كلية سياحة وفنادق

انا وهو اصحاب ومبنسيبش بعد خالص فى اى مكان

حتى اصحابنا البنات اللى نعرفهم واصحابنا الاولاد مسمينا التوأم

وانا ان غبت يوم عن الكلية يجى ليا ويقولى ان الكلية اتقلبت عليك النهاردة( طبعا بيروحوا له علشان هو معايا علطول)

وهو نفس النظام ان غاب

ام هند هو عرفنى على واحد صاحبه كان معانا فى فترة الثانوية بس انا مكنتش اعرفه

وصارت العلاقة بينهم اكتر مننا احنا الاتنين

حصل بينهم شد كتييييير وخلاااااف وانا دايما كنت اللى بصالحهم واقولهم مينفعش احنا اصحاب واخوات قبل كل حاجة

المهم حصلت حاجات من الطرف التانى ده ومشاكل كتييييير اوى فى حق صاحبى

لحد انا مجيت فى يوم ومكلمتهمش هما الاتنين على الرغم من ان هما كانوا يوميا عندى فى البيت

الجماعة فى البيت لاحظوا ده قلتلهم انى انا مبكلمهمش

جه صاحبى الانتيم صالحنى وقالى متزعلش على فكرة صاحبنا اللى انا عرفتك عليه ده طلع ندل

راح البيت عندنا وقال لهم انى انا عيان واغمى عليا كذا مرة ورحت حللت

وانى انا بتخانق كتييييير فى الكلية مع الناس هناك وعامل مشاكل مع الدكاترة

انا طبعا استغربت ان هو عمل كده لانه كان صاحبنا فى يوم من الايام

المهم انى انا رحت له وهزقته بصراحة ( على فكرة انا كنت شقى اوى فى الثانوية وبجد المدرسة كلها كانت بتعملى الف حساب)

علشان كده هو متكلمش خالص معايا

وبعدين اخدت اصحابى اللى فى الكلية كلهم ورحنا البيت عند صاحبى الانتيم كانت مامته هى اللى هناك وهى عرفااانى اوى وعارفة معظم اصحابنا

حكينا لها عن الوضع وقلنلها ان مفيش اى مشاكل فى الكلية وان احنا كويسين ومحبوبين فى الكلية وقعدنا نهزر ونضحك

وخلصت الحكاية



اللى انا عاوز اقوله بقى بجد

ليه دايما الخيانة والغدر مبيجوش الا من اقرب الناس لينا

ليه دايما اللى بيعذبونا واللى بيجرحونا هما اصحابنا واخواتنا وحبايبنا

ليه وليه وليه ........ حاجات كتير اوى والسبب فى ده مله هى العاطفة!!