
27-08-2009, 03:52 AM
|
 |
عضو ممتاز
|
|
تاريخ التسجيل: Jul 2009
المشاركات: 278
معدل تقييم المستوى: 17
|
|
انتوا بتفكرونى بنفسى السنه اللى فاتت اول يوم برده كنت مرعوب منه اوى
بس هو اللى هيحصل هتروحوا الصبح عشان المحاضرات بتبدا الساعه 8 الصبح هتلاقوا الناس كلها واقفين قدام المدرج
و لما المدرج يتفتح كله بيضرب بعده عشان يقعد قدام و بنصح الولاد يبعدوا عشان البنات هما اللى بيكسبوا و بقعدوا قدام برده 
المهم هتبدا المحاضرات و هتقعدوا مش فاهمين حاجه فى اى حاجه و كلام غريب كله و هيجيلكوا حاله هستيريه من الضحك لانكوا قاعدين و كانكوا مش قاعدين بس مش تقلقوا الكلام ده مش هيستمر كتير شويه بس على بال ما تاخدوا على الوضع
و هتلاقوا بقى طول ما انتوا قاعدين ناس عماله توزع ورق عليكوا دعايه لمكتبات و كلام من ده ( كل الكلام ده فى الفاضى )
و بالنسبه للاصحاب و الكلام ده انا قولتلكوا قبل كده هو شهر مش اكتر و هتلاقوا الدفعه كلها عارفين بعض و كلكوا بقيتوا اصحاب و يالذات البنات لان البنات فى الدفعه كتير اوى
السنه اللى فاتت كنا 1000 بنت و 300 ولد بس
و اللى محتاج حاجه انا موجود انا معاكوا فى اعدادى برده زى ما قلت قبل كده بس متخافوش هى سنه سهله جدا جدا و اسهل من الثانوى كمان بس انا اللى حصلتلى ظروف كده و اتخانقت مع دكتور شيلنى ماده بعيد عنكم 
اهم حاجه متخافوش و هى سنه اسهل من الثانوى ان شاء الله و رينا يوفقنا كلنا ان شاء الله
يا رب مش اكون طولت عليكم و زهقتوا منى 
__________________
فيه حدممكن يبقى مش قادر يعيش من غير الم ... فيه حد لو سابه اللى ظلمه يبقى هيموت من الندم
|