شعر (وصف هزلي لطلبة صيدلة "الأولاد") _ هزار طبعا
بيقولوا طلبة صيدلة متميزين
فعلا طلبة صيدلة متميزين وليهم المواصفات التالية:
حاطط قلم في بقه و لابس نضارة
لابس جزمة بمبي و فيها صفارة
ولو في يوم عليه عزمت بسيجارة
تلاقيه ياخدها و يكتب عليها معادلة او اشارة
كل شيء مذاكرة و الضحك ده صياعة
و السكشن و المحاضرة هما اغلي بضاعة
و الحب و البنات عنه حاجات متباعة
و لو شفته تلاقيه ماشي و مكشر
و لو سألته ليه يقوللك تتأثر
يقولك عاوز اجيب نمر اكتر
و لو في يوم كلمته عن بنت حلوة مرتاحة
و كنت بتوصفله فيها بكل صراحة
حاجات تخللي الأعمي يبص بكل بجاحة
تلاقيه يقوللك السبب هو التفاحة
اللي وقعت علي نيوتن و هو في استراحة
يا ريتني ابقي زيوه و القي علاج للكساحة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
و عن طالبات صيدلة هنقول و نقول
البنت من دول عايشة لنفسها و ليها المواصفات التالية:
و عن طالبات صيدلة هنقول و نقول (من غير زعل يا بناااات)
البنت من دول عايشة لنفسها و ليها المواصفات التالية:
لسانها خارج بره و عنيها جاحظتين
لابسة سلسلة من carbon chain
و حلق في ودنها معكوس مرتين
لابسة نضارة يا شمس يا نظر
و لو كانت حلوة هتسحب النظر
و لو كانت وحشة هتضيع البصر
و لو في يوم كلمتها
و سألتها عن نفسها
قاصد بكده تهزها
و تحرك حاجة جوها
هتقوللك كويسه، انا عاوزة ورق حضور
علي طول كده من غير لا احم و لا دستور
لو قلتلها لأه هتسيبك للملامة
و لو قلتلها آه هتاخده و تقوللك مع السلامة
بس احلي حاجة فيهم ان منهم مؤدبات
بنات كويسة و الصنف التاني مات
بنات علي النت و كمان النايل سات
مش بقول كده عشان خايف او جبان
لكن بقول كده عشان اغير من اللي كان
و عجبي!