[_GUIDE_]

المشاركة الأصلية كتبت بواسطة بنوته اهلاويه

اولاً انا بعترض ع جمله

مفيش حاجه نقدر نفصلها عن الدين
حتى النظريات الفلسفيه البحته اللى انت بتقول عليها
الدين والفلسفه اعتقد لو اتفهموا صح
مش هنبقى متخبطين اوى بالعكس طريقه تفكيرنا هتكون كويسه
المعروف اصلاً ان الفلسفه من فروع العلوم اللى سمعتها مش كويسه فى العالم العربى
عاده الفلاسفه بيتهموا بالالحاد وما الى ذلك!!
فى الوقت اللى تعريف الفلسفه
زى مكنا بناخد واحنا عيال
فيلو- سوفى
شقين
حب - المعرفه
واعتقد ان الدين مش بيمنع ده بالعكس
ايات كتير بتدعو للسعى والتامل والتفكر
وحب العلم والمعرفه
السمعه السيئه جت من فكره
ان الفلاسفه العقل عندهم اصبح هو الاله
وده اللى احنا ضده
الفلسفه كعلم فهو علم بيدعو ليه الدين

معاكى ان كل شىء مرتبط بالدين
بس انا مش عايز اوصل بكلامى لنقطة تخالى اى شخص يقولى كده حرام انا بتكلم من منظور بعيد عن الدين رغم انى ذكرت الدين

ثانياً
عشان منبعدش عن الموضوع
بس بحاول اخد الموضوع حته حته
اما نشوف هنوصل لايه يعنى

بردو من رايي ان مفيش فرق مابين انسان وانسان
ولو هنعمل تجربه
جيب اى طفل مصرى وازرعه فى اى مجتمع تانى
وجيب اى طفل من بره
وازرعه هنا فى مصر
هتلاقى ان الطفل المصرى اصبحت عقليته متحضره وجميله
ع عكس الطفل التانى
فعمليه انك تعقد مقارنه مش مستحبه
اولاً: لان مفيش فرق من الناحيه التركيبيه
ثانيا: ان التغييرات اللى بتطرأ ع الانسان فى الحاله دى
تغيرات ناتجه عن عوامل محيطه
مش اختلال او اختلاف فى عوامل داخليه او فسيولوجيه
لو هنتكلم من ناحيه عضويه
لانك انت هنا اللى بنيت نظريتك ع قوانين الحاج دارون
انت بنيت ع اساسات ضعيفه لو هنوصفها باساس اصلاً
يعنى ان شاء الله البناء كله لو اتبنى هيكون ايل للسقوط


اعتقد اننا اتكلمنا فى الموضوع ده قبل كده
وانا كنت متفق معاكى ان البيئة فى الاساس هى اللى بتكون
جزء كبير من شخصية وتكوين الفرض

اولا الحاج دارون نظريته عشان نفهمها
ان احنا أصلنا قرود ان شاء الله
وان السلسله مكنتش بدايتها قرد
لا حاشا وماشا
هو القرد ده الله يجازيه حصلتله طفره
مما ادى لظهور بنى ادم !!
يعنى العمليه كانت بدايتها بكتريا ففرخه فوزه فارنب فقرد فبنى ادم
كل حاجه تحصلها طفره وتتحول
جميل
يبقى احنا نستنتج
ان احنا بنى ادم بن قرد حفيد أرنب
او حاجه زى كده احنا ممكن نخلى شجره العيله حديقه حيوان اصلاً

وبدام نظريته بتقول ان الطفره ممكن تحول القرد لانسان
فان شاء الله
لما نلاقىفار اتحولوا لانسان منبقاش نستغرب
طبعاً كل كلامه كلام فاضى

طبعاً المصيبه ان كلام دارون باشا حجر الزاويه فى علم التطور والوراثه
وده شىء اصلاً منافى للدين وللعقل

ولو القرد اتحول لانسان فايه اللى يمنع ان الانسان نفسه يتحول لقرد ولا حتى لكلب بلدى مهى نفس الفكرهَ!!
يعنى نخلى بالنا لو لقينا اى حيوان فممكن يكون اصله انسان والعكس

على فكرة انا مؤيد لنظرية دارون بس فى جزء معين
اللى هو الانسان والقرد كانوا بيشتركه فى بعض الصفات
البدائية ومن كتب التاريخ وما كتب عن الانسان البدائى
هتجدى حضرتك انه اقرب للقرد فعلا منه للانسان
بس طبعا الانسان والتفكير وكل الحاجات دى بتتغير زى الحروب كانت الاول بالسيوف وبعدين تطورت وبقت بالمدافع
وبعدين ظهرت الحروب الحديثة وغيرها
يعنى التطور موجود مدام الانسان مخه شغال وبيفكر مش شرط كل الناس تكون بتعمل شر بس اكيد فى فئة قليلة بتعمل خير


امممم
احنا مش مخيرين بشكل كلى ولا مسيرين بشكل كلى
يعنى من الكتب الجميله لمصطفى محمود
كان اسمه تقريباً
زياره للجنه والنار
وهو مسرحيه
اتكلم فيها عن فكرة مخير او مسير بطريقه بسيطه وظريفه
احنا اختارنا هنكون ايه من قبل منكون
كل واحد اختار صفه واحده من اسماء الله الحسنى
اللى اختار المبدع
زى بيكاسو وبيتهوفن
اللى اختار الجبار
زى هتلر وموسولينى وهكذا
يعنى اختارنا !!
فى الوقت اللى بيرد فيه الملك ع الشيطانه بتاعته ويقلها
لا احنا كده مخترناش فى الدنيا احنا كده ماشيين مش بمزاجنا ع الخطه الموضوعه دى
ودار حوار ظريف كده بتقابل فيه ماركس ولينين وحجات كده
كميل شوفه يعنى

بس انا معاك فى نقطة ان الواحد بيرفع ويحط من شأنه بمزاجه
زى فكرة عدم مقدره الغير ع اهانتك الا برغبه منك


هو ده اللى انا عايز اقوله
نقطة ان الانسان بيرفع من قدر نفسه او بيحط من قدر نفسه
فى مثل شعبى ظريف اوى بيقول
اللى مكتوب على الجبيين لزم تشوفه العين
ده نوع من انواع العجز وقلة الحيلة عند الشعب المصرى
لما بيكون مش قادر يعمل اى شىء بيطلع مثل بيقول نكته
رد فعله الوحيد بيكون بلسانه فقط
لو جينا بصينا لنقطة مخير ومسير
مش هنوصل فيها لحل مهما عملنا
لان الاراء كتيرة ومتشعبة
يعنى مثلا انتى دخلتى طب بختيارك ولا علشان التنسيق
ولو بختيارك كنتى هتعملى ايه لو كان جتلك اى حاجة تانية غير الطب
بس هو عمتا المتفق عليه ان الانسان مخير فى بعض الامور ومصير فى البعض الاخر
اصله لو كان مسير فى جميع الشئون يبقى كان امن الناس جميعا
انما المولى عز وجل بيقولك فمن شاء فليؤمن و من شاء فليكفر
وما ربك بظلما للعبيد
يعنى الموضوع هنا اختيارى كمان يعنى فى اللى ممكن الانسان يكون مخير فيه وفيه اللى ممكن يكون مسير فيه

:::::::::
باقى الموضوع انا هاخده انك قصدك كنوع من انواع النقد الساخر
مش من نحيه علميه

لان احنا فوق اثبتنا ان النظريه نفسها اساسها مش مظبوط علمياً


قولتلك ان انا باخد من دارون جزء من نظريته ان الانسان سلوكه مختلفش كتير عن سلوك القرود او الحيوانات عمتا
لان فى بنى ادميين حاليا الحيوانات بتفهم عنهم
ومرة كنت بتكلم مع استاذ فى الجامعة وكان معانا شريف الخضرى
قربنا المسافات بنا فى النقاش بس متفقناش على رأى واحد
بس انا ختمت كلامى معاه بجملة حمار بيفهم افضل مليون مرة من بنى ادم مبيفهمش
فهمتى يعنى الاساس فى اللى عايز اقوله من النظرية
ان الانسان والقرد او اى كان من الحيوانات الانسان كان بيشترك معاه فى بعض التصرفات والافعال وزى ما قولت التفكير بعد كده ابتده يتطور

:::::::::
انت اتكلمت عن القتل والدمار اللى الانسان خلقه
وانك بتتسائل هل ده سمه من سمات العقل ؟!
اقلك انا ياباشا
الانسان مش بطبعه ملاك ولا شيطان
الانسان رُكب فيه العقل مع الشهوه
اللى بيغلب فيه العقل مع الشهوه
بيكون فى نحيه الملائكه
اللى شهوته بتغلب ع عقله
بيلتحق بالبهايم

:::
قدرات العقل نفسها صعب انك تتخيلها
لان احياناً مش بتكون خاضعه اصلاً لقوانين
وبتكلم عن العقل البشري طبعاً
:::
لو اتكلمنا ع مثال من مُثل التدمير او ان صوره اتجه فيها العقل البشري للدمار
واختلاق وابداع اشياء بتسبب هلع وخوف للناس
فهناخد نوبل
الراجل اللى بيُوصف بانه عاش بالحب ومات بالحب
طبعاً مليش دعوه بقصه حياته انا هنا
بس الراجل ده اللى اخترع الديناميت
لغرض سلمى
ومكنش المقصود بيه اداه من ادوات الحرب
وان الديناميت بيعتبر نواه لادوات الحرب كلها
فهل الخراب اللى سببه كان مقصود
هل ذنب الراجل انه مفكر وعبقرى وانه اخترع
بس الاستخدام كان غلط !!
لا مش ذنبه
المشكله فى اللى وقع فى ايدهم الاختراع ده
دول الناس اللى شهوتهم غلبت عقلهم وحكمتهم

مفهومة النقطة دى انك ممكن تطوع الطبيعة او الاشياء فى الخير
او انك ممكن تطوعها للشر
زى السكينة ممكن تقطع بيها فى المطبخ وممكن تدبح اى شخص
:::
حجات زى اللى انت ذكرتها
من احتباس حرارى ...
دى سببها الانسان اينعم
وكان سببها جهل
وعدم وعى وعدم وجوده قدره سريعه ع معرفه اضرار التقدم
بالتالى فضلت الاثار تتراكم وسببت مشكله
ماي معاك انها غلطه
بس غلطه جماعيه
مدلش من بعيد ولا من قريب ان الانسان اصله قرد ولا حتى خنفسه
::::
بالنسبه لموضوع الحرب العالميه

اما مليش دعوه بالتاريخ اوى
بس بفرض ان كلامك صح
وان القتل والهبل اللى حصل ده كان أصله كذا
وفى امثله كتير مش شرط الحرب العالميه
موضوع التار فى الصعيد
طرواده والقصه الاغريقيه المشهوره
وكانت المعركه كلها ع واحده
-طلعوا هايفين بردو-

لما مش عارفه مين تنتحر عشان المطرب الفلانى
انت بتقول ان دى حاجه تثبت ان احنا حيوانات او ان اصلان ميمون
وانا بقلك العكس
رفضك للفكره انت ورفضك للهبل ده
بيدل ان فعلاً عندنا عقل وان مش اصلنا لا قرد ولا خروف ولا حمار
ولا حلقه وصل ولا بتاع
احنا فى الحاله دى وزى مقلت التحقنا بالبهائم
والالتحاق من معناه ولا ليه علاقه بنظريه التطور
كلامك انت نفسه يا معلم
معناه ان احنا بنفهم
مش حمير
كويس انك بتثبت عكس اللى بتقوله فى نفس الموضوع


هكرر كلامى تانى
الطبيعى ان التفكير بيطور يعنى متقنعنيش ان عندك 17 سنة
وتفكيرك من 10 سنين زى تفكيرك دلوقتى
يعنى حضرتك اكيد تفكيرك اتطور واتغير بشكل كبير
البيئة اللى حوليكى كان ليها اثر عليكى
عوامل الاسرة وخلفه
وهثبتلك كلامى برضه ان الانسان فى الوقت ده كان بيتعلم من الحيوان
وان الاسنان كان تفكيره محدود جدا
قصة قابيل وهابيل

يعنى الانسان نفسه اتعلم من الغراب ازاى يدفن اخوه
::::

طبعاً بتهزر

فى حدوته جميله اوى
او سؤال ظريف كده
بيقلك انت اقوى ولا الطبيعه اللى حواليك ؟!
طبعاً ناس كتير هتقول الطبيعه
وناس قدهم هتقول الانسان
بس محدش بيقول السبب
بس لو هنتكلم بالفلسفه زيك
يبقى مش هنختار!!
ليه ؟
الطبيعه اقوى والانسان اقوى
الطبيعه قوتها فى انها ممكن تقضى علينا فى لمح البصر
وان الانسان كائن ضعيف جداً قدامها
اما الاجابه
ان الطبيعه بالرغم من قوتها فهى مش ع ادارك بالقوه دى
وده فى حد ذاته طبيعى لانها معندهاش المؤهلات العقليه
اما ع الجانب الاخر فالانسان عارف
يعنى هنا الانسان ضعيف قوى
قوى بعقله

طيب ما النمل والنحل بيبنى ممالك ليه
انا بتكلم عن شىء روحى شىء يمتلك الروح
يعنى الجبل او المحيط او البركان يصنف انه جماد
لكن النمل او النحل او اى كان الكائن اللى قدامك بيطور من أداءه ومستواه
زى برضه قصة الشخص اللى قعد على صخرة وكان عنده يأس وشاف نملة عايزه تطلع على الصخرة وكل ما تطلع تقع وهكذا لغاية ما نجحت فى النهاية

-الصراحه مش فاكره الجملة اللى اتقالت هنا بس كانت حلوه اوى يلا خير خير-

مقدرش انا اسلبه الحق ده واقول ان قدرات الحمار اكبر
ده حتى من الناحيه الدينيه حرام !
:::::

طيب والانسان اللى بيقتل امه ولا مراته علشان كوباية شىء ولا علشان 10 جنيه ولا جينه حتى ده يبقى ايه ولا الاب اللى تزوج بنته 5 سنين فى السر ده من العقل فى شىء اللى بيحصل حوليكى
بصى هو الانسان بشكل عام او المجتمعات ابتدت بدائية جدا ووصلت لدرجة كبيرة من التقدم والرقى خلاص قمة الهرم ولما بيوصله لقمة الهرم استحالة يفضله على القمة لكن الاخلاق بعد كده بتبداء فى الانحضار لغاية ما توصل ان الانسان والحيوانات بيتشاركه فى كثير من الصفات

احم
انت اخدتها من جانب تركيب عقلى
فى الوقت ان زى مقلتلك فوق
ان الظروف بتفرض عليها
هتعمل ايه يعنى
انت شايف ان الوسيله متوفره وهى رافضه وحابه الشعبطه ؟؟!!!
فى الحاله دى انا اقلك ان احنا حيوانات
بس هى مش كده
هى مش قدامها الفرصه
ولا قدامها الوسيله
وهى محتاجه لده
يبقى هتعمل ايه ؟؟!!
عاوزه تقضى مصلحتها بأى شكل
يبقى العيب مش عليها !
ولا ع قدرتها العقليه
العيب ع اللى حطها فى الموقف ده
العيب ع اللى سرقها حقها واللى مؤكد انها مش هترجعه !

لو اخدتها بالبلدى مفيش اكتر من الميكروباصات فى اى حتة
واللى يخليك تقف 5 دقائق اقف 5 كمان واقعد
لكن احنا شعب نشيط شعب ميحبش يضيع وقت الوقت حضرتك عندنا من ذهب استحالة المواطن المصرى يضيع دقيقة من وقته ده لو هيخدها جرى احنا هنضحك على بعض ده احنا عايشين على ضهر سلحفاء
::::::::
لسه جزء معلقتش عليه
بس انا عاوزه اروح اكل

كان جميل النقاش معاكى شوية كده واكمل رد على الجزء التانى