اقتباس:
المشاركة الأصلية كتبت بواسطة xxscarnetxx
أ،ا كول اللي أعرفو عنها سماعي من ناس فيها الأكاديمية كوسة وللي يعدي جنب السور ينجح  و الطلبة بتضرب المعيدين  بس بره الأكاديمية طبعا 
بس هكرر دا كواه سماعي أنا مشفتش حاجة بنفسي  |
اقتباس:
المشاركة الأصلية كتبت بواسطة البرقى2
انا بسمع كدة وبسمع كدة مش عارف
الله اعلم
|
يا جماعه محدش يصدق الكلام اللى بيتقال على الاكاديميه انا بتكلم عن طلاب هندسه بس مع الاعتزار لاخواتنا في تجاره ونظم و فنون
انا شوفت هندسه هناك الناس من اول الدكاتره للمعيدين و الطلبه ناس على مستوى عالى و زوق و ولاد ناس محترمين مش بيئه ولا حاجه و بالنسبه للدراسه هناك خدها قاعده ذاكر هتنجح و خلي بالك من دكتور حسين احضرله كل محاضراته متفوتلوش محاضره ولا دكتور عادل فيليبس كمان و لا دكتوره امال التلات دكاتره دول اوعي تفوتلهم محاضره صدقني هضيع جامد الناس هناك بتشرح بضمير جدا و المعيدين بيشرحوا بضمير بجد و المعامله كويسه جدا ما بين الطلبه و الدكاتره والمعيدين و حتي الطلبه مع بعضهم عشان الناس محترمه "لسه بتكلم على بتوع هندسه فقط" لان الباقي متعاملتش معاهم و مشفتش منهم غير الخناقات اللى بره الاكاديميه عشان البنات و عشان الهبل ده
لكن نرجع لهندسه تانى
الاقسام عندنا مدني و كهرباء و عماره و طبعا مفيش قسم احسن من قسم لكن الفكره فكرة ميول انت بتحب ايه مش اكتر
و هرجع اتكلم تانى عن التعليم فيها المعامل مفتوحه للطلبه و الورش مفتوحه عادى و بالنسبه لطلبه اعدادى الجداد هيبقي عنده في الترم الاول معمل الكيمياء و معمل الفيزياء و بالنسبه للترم التانى هيزيد عليهم ورش الانتاج
الامتحانات هناك صعبه و رخمه و غبيه و كل حاجه على اللى مش بيذاكر مش هقولك ذاكر اول باول و لا الكلام ده بس ذاكر ادي المواد حقها مش اكتر وانت هتدخل تجيب تقدير كمان لكن اللى مش بيذاكر و بينفض و بيقولك ده بفلوسي و الله العظيم هتلاقي نفسك شايل مواد اخر الترم و هتاخدها في الصيف زي الشاطر لكن يا جماعه النجاح سهل لكن التقدير مش سهل يعني عايز تقدير يبقي توكل على الله كده واعمل اللى عليك و انت ربنا هيكرمك جامد و بالنسبه بقي للمناهج
المناهج كويسه مش سهله و مش صعبه كويسه ده بالنسبه لي بعد ما درستها و فهمتها و ذاكرتها لكن اللى لسه جديد هيلاقي العمليه بايظه و صعبه لان مفيش هندسه في الدنيا هتبقي سهله و على فكره
مفيش غش في الامتحانات بتاعت هندسه
عشان بس تبقوا عارفين من اولها مفيش غش نهائي اللى بيبص جمبه بيتسحب ورقته و بيطلع بره ده لو متعملوش محضر غش وده من واقع تجربتي يعني
والحمد لله عديت من اعدادى بتقدير جيد جدا مرتفع b+
الموضوع مش صعب لكن مش سهل ربنا معاكم