اقتباس:
المشاركة الأصلية كتبت بواسطة P h i l o n o i s t
هو مذكور لحاجتين التالته منهم إن ده مقال ساخر بيصور بعض ( حالة ) تافهه مش ( شخصية ) تافهه وإلا يبقي انا كدا عملت ايه .. عملت جمعية ؟
|
معلش جينا تانى
بالعكس يا احمد انا مش فاهمه دلوقتى ايه المشكله من السخريه من [الأفراد]
انت راجل فى دولة كنظام سياسي فاسدة مثلاً
وبفرض ان السبب وراء كده مجموعة من الأفراد وزير مرتشي عضو مجلش شعب حرامى ظابط بيستخدم سلطته
هل المطلوب منى فى الحاله دى ككاتب ساخر ان الافراد (ممنوع الاقتراب او التصوير)؟!
اللى أقصده من موضوع شو ان العامل الخارجى والظروف الحياتيه نفسها بتشكل اسلوب الواحد
طبعاً فى حالة وجود المؤهلات عند الشخصية
لان زى مانت قلت مش اى كاتب ساخر هو كاتب ساخر
و مش فكرة الفشل بس
واحد زى بلال فضل- او اى حد -ظروفه اللى قبل كده شكلت شخصيته
لما يطلع ويلاقى نفسه فى بلد ومجتمع مش بيدفعه لشىء.. الا السخريه طبعاً
فاللى اقصده ان كل كاتب ساخر ليه حَدوته بتدفعه لده
يبقى هنا كلامى معادله فى جدوى بالربط من عناصرها
الرغبة فى تغيير وضع .. او الرغبة فى تغير مُسبب للوضع الغلط (لما يسخر من شخصية)
انت ممكن تقول ان الواحد بنقد شخصية والنقد البناء ..الخ
بس انت هتنقد واحد من الأمثله اللى قلتها فوق وانت عارف ان مش هيحصل استجابة
ولا ان الشخصيه العلانيه دى هتبص ع كلامك أصلاً
لان الكاتب الساخر اللى يسخر من باب السخريه
الصراحه يبقى عنده مشكله
زى السفسطه اللى قال مفهومها بسام
الجدال من اجل الجدال
شىء عديم النفع اصلاً
::::::::
تانى حاجة
حلو كلامك عن موضوع القطيع ده
بس سين سؤال اى قطيع تقصده
القطعان كتير
لو القطيع اللى بيقول (ههههه)
هو الشعب مثلاً بفرض انك تقصد كده مع انى مش واثق
فالطبيعى ان الكاتب ان يمشى مع القطيع -فى حالة ان كلامهم يكون سليم-
لانه اولاً واخراً بيعبر عن رأى شعبه
اما لو كان كلام القطيع لغو
فواجبه انه يبين ليهم الصح ويدور هو عن الحقيقة
ده اللى اعرفه يعنى مش الرغبة فى مخالفة القطيع للرغبة نفسها والتميز عنه بانه يقول حاجه تانيه
اقتباس:
المشاركة الأصلية كتبت بواسطة صوت الامة
ان انا عايز اوصلك انت ادارى والمفروض عارف ان الموضوع دا مكانه فلاسفة تحت التمرين مش فى العام
و ممكن برضه نقد تانى
لو قولنا مثلا على الاخت ياسمين
اتعيبوا على زمننا و العيب فينا
دا بنقد فيها انها نقلت موضوع الاستاذ عصام بتاع علمنى جدى الى فلاسفة تحت التمرين
|
معلش أرد ع نقطة كده عشان ننهى الموضوع ده
مش انا اللى نقلت الموضوع ..شيرين نقلت برأى منى مش اكتر
-الناس فكرت كلامى دفاع عن نفسي ومش انا اللى نقلته بس عادى كنت هنقله بدام ده الصح-
بس فى مشكلة هنا
هى مشكلة ان نقدك غلط
هل انا المفروض حد ينقدنى عشان نقلت موضوع لمكانه الصحيح-وده محصلش بس بفرض-؟
طبعاً غلط .. والعمليه هنا خاضعه لوجهات نظر .. مش اى موضوع بردو بيدى حكم ننقله لو كان فى ناس بتتناقش
ولا ايه ؟
وده طبعاً بعيد عن الموضوع ده لان هنا الموضوع نقاشي فى المقام الأول والأ خيركفايه العرايض اللى بتتكتب فيه
اقتباس:
المشاركة الأصلية كتبت بواسطة P h i l o n o i s t
ومين قال إن النظرة سطحية يابسّام
عندك هنا ناس كتيرة لمجرد إنه بيحط
" "
بعد كل جملتين سُخاف بقي كاتب ساخر
والله ما أقصدك لا تفتكرني بغلط فيك
عيب عليك انت حبيبي
بس فعلاً فيه ناس عاشت الدور أكتر مما ينبغي
سواء في الصحافة او ف المنتدي او ف الحياة بمعني أشمل وأعم
إنت عارف إن النظرية السحطية مش إسلوبنا
وفي النهاية إحنا عايزين الخير مش الاستظراف وخلاص
السخرية بالنسبالي هي سخرية من المواقف وليس أشخاص بعينهم
غرضها الإصلاح مش التهكم زي ما وضحت انت فوق
شكراً
شاركنا برأيك دايماً |
ههههههه
عاجبنى اوى حكاية الايموشن دى
ده بقى خلاص رمز للكتاب الساخرين شىء جميل
انا شيافة ان جملتك دى نفسها
تخلى الواحد يتهكم ويسخر مش منك طبعاً
-احم احنا نقدر -
اقصد من الشخصية اللى تااخد ايموشن رمز للسخرية
من الفهم الخاطىء للأشياء نفسها
ليه بتقول ان الخطأ من شخص استخدمه مش مش من شخص فهمه غلط
زمان انت قلت جمله اول ممسكت اداره
-ذاكرتى حلوه انا -
ان الفهم الخاطىء خطأ .. او حاجه زى كده يستحق الوقف عليها
-كان موضوع مشكله فى قسم المشاكل زماان-
المهم
وانا مع كلامك ده
زى مانت قلت لا يسخر قوم من قوم
انا بقلك ان بعد الظن اثم
ليه ناخدها بمعنى التهكم
الايموشن مطلعش لسانه للناس وشتمهم
:::::
طبعاً موضوع السخريه من الاشخاص
انا مش معاك فى الموضوع ده للسبب اللى قلته فوق بردو
وبردو حكاية الايموشن دى
بتكون العبرة باللى الواحد يقصده
مش بفهم الناس
الكلمه الواحده ممكن تتفهم كمديح او كتهكم او كلا شىء ع الاطلاق اصلاً
يلا خير خير
معلش طولنا عليك