أستاذ علاء سيف
احترم رأيك جداً ولكني سأضيف وجهة نظري أيضاً
مش شايف حضرتك أول واحد من معارضيه ولا ترى فيه إلا أنه ممثل ومدعي؟
لما تذكر حسنات الشخص وسيئات الشخص ومن ثم تقارن بينهما ؟
خلاص يبقى انا كده متكلمش ابداً في الدين
لإني مش حاصل على رخصة ولا طالع شيخ من الازهر
وكذلك انت وهو وهي
مش ده قصد حضرتك
طالما انا عندي معلومة في الدين مدهالكش ليه ؟
عشان معييش تصريح ؟
عمرو خالد اتبع افضل تلك الانظمة وهو الاتجاه المعاصر
ممكن عمرو خالد ميكنش شيخ
لكن اللى انا شايفه إنه مفيش حلقة قدمها وإلا كان محضرها
ساعات مدرس بيشرحلك الدرس زي ما هو في الكتاب
وبيمشي معاك سطر سطر وفقرة وفقرة
بس في مدرس تاني متمكن قبل ما بيبدأ الدرس
بيحطلك نقاط عناصر الدرس
وبعدين بيحكيلك القصة مجملة
وبعد كده يبدأ يفصل كل نقطة من الدرس
ويفضل يراجع معاك كل خطوة واحنا ماشيين
وبعدين يلخصلك اللى عايزينه في الآخر
ده اللى انا شايفه في حلقات عمرو خالد
الشيوخ التانية بتحط عنوان للحلقة
وبتفضل ترتجل من الاحاديث والمواضيع ما يأتي إلى الذاكرة
كل ما هو مرتبط بذلك العنوان
وبالطريقة الرسمية والدينية وكده
لكن عمرو خالد قبل ما يبدأ تعرف الحلقة كلها بتتكلم عن ايه
راجل منظم حلقته
عارف هو بيعمل ايه
ميم من الشيوخ فكر في مرة إنه يعمل حاجة جديدة وينقلنا الخبر من قلب الحدث ؟
او حتى يجيبلنا صور عن تلك المناطق
عمرو خالد مش حقولك أول واحد
ولكن من اوائل الناس واللى ابتكرت في حلقتها
وخلت في شكل حلو للحلقة
يعني حلقة ممتعة متملش وانت بتتفرج عليها
وفي نفس الوقت واثق من المعلومات ده
كل الناس حكت قصة سيدنا موسى عليه السلام
بس لأول مرة انظر للقصة من منظور تاني في البرنامج الحالي بتاعه
ليه بتنفي عنه كل ده
ومش بتمسك غير كلمتين تلاتة هو قالهم غلط او احنا غلطناه فيهم
اما آخر تلات جمل عندك
التلاتة كل واحدة فيهم ليها مدلول
بس معرفتش افسرهم في موضوعنا هنا
وآسف على الإطالة