[COoL HEaRT]

ربما لا يخفى على الكثير منا ان العصر الحالى هو من أحط وإن لم يكن من أقذر عصور الادب العربى بشكل عام والشعر بشكل خاص

اممم
كقاعدة معروفه ان الادب شعره ونثره اياً كان
دليل ع حالة المجتمع اللى بيعيشها
سواء عصر ازدهار او عصر تخلف
وببرهان بسيط ع النظريه اللى فوق
فطبيعى ان الشعر يعانى نوع من الانحطاط اللى انت بتقول عليه
::::
بس لوجينا نبص بشكل بعيد عن السودويه وان كل واحد يحاول يقلع النضاره السودا دى
هنلاقى ان بشكل ممكن يكون بعيد عن المنطق بس احنا عندنا انتاج ادبى كويس
طبعاً مش بتكلم ع الهلس بتاع العنب والبرقوق
احنا اصلاً من الدول اللى الى حد ما ادبياً مش مُدمره
وان انتاجنا معظمه ادبى مش علمى
مش فالحين فى العلمى يعنى والحمد لله
بس فى شعرا كويسين
احنا ممكن اطلاعنا قل
هم ممكن معدوش بيهتموا بكده
-مش شغلانه تأكل عيش اصلاً-
ممكن مشاكلنا نفسها غطت ع اننا نهتم باى حاجه ادبيه
اونتذوق اى موضوع
ناس بيدوروا ع رغيف عيش
اكيد مش هيروحوا يقروا لجويده !
:::::
بس عشان نراعى الصدق ومنقلش الكلام جزافاً كده
انت عندك مجموعة كويسه اصلا من الشعراء
واللى بيستخدموا شعرهم فى محله
وقصايدهم اترجمت للغات كتير
واحد زى
فاروق جويده بجد من الناس الجميله اوى
واللى الواحد مش بيبص الا ع تلت حجات فى اهرام الجمعه منهم العمود الشعرى بتاعه
اينعم الواحد اتضايق بعد القصيده اللى عملها يوم وفاه حفيد الريس
كان فيها مبالغه كده غير مقبوله زى مبيقولوا
بس كل مالواحد يفتكر ارحل وعارك فى يديك فى وداع بوش بيحترم الدماغ اللى عملتها
عندك احمد فؤاد نجم
اعتقد ده لا بيجامل ولا بيعمل

راجل سوابق اصلاً بس جميل
كفايه ان هو اللى علم نفسه القراءه والكتابه
-ومن بعدها بدا الهم .. همه طبعاً-

كانت فى قصيده جميله اوى بتاعة فى عيد ميلادك الكام وسبعين

كانت ظريفه فعلاً

عندك واحد زى صلاح جاهين ورباعياته
اللى بجد بالرغم انهم اربع شطور الا ان المعنى ممكن قصيده كامله متعرفش تجيبه
راجل مُبدع فعلاً
يلا الله يرحمه
كانت جميله اوى

اقلع غماك يا تور وارفض تلف
اكسر تروس الساقيه واشتم وتف
قال بس خطوه كمان وخطوه كمان
يا اوصل نهايه السكه يا البير تجف


وحجات تانيه كتير اوى بجد تحس انها فعلاً جميله

عندك بهاء جاهين وقصيدته عاجل وشكرا للاهميه
هحطها هنا

اهو الواحد يلاقى حاجه يضحك عليها لما يرجع بقرا ردوده الهبله تانى




إلى السلام المطلق
مطلوب حضورك للأهمية،

إلى الصفاء القلبي
برجاء تدوب في الجو والمية،

إلى المراعي الخضرا
نرجو الإفادة عن مصير بكره،

إلى الدفاع الجوي
نرجو الإحاطة في خطاب رسمي
عن جسم أخضر في الفضا يضوي
مع اتخاذ اللازم الفوري،

إلى الحمام الزاجل
مطلوب هبوط عاجل
يا حزن متسجل بعلم الوصول،

إلى صحون الفول
قلبي لمونة ناشفة.. مش مسئول،

إلى السلام الذري
نزلت حمامة تبيض خدوها تحري
غصن الزتون صادروه، حيازة سلاح،

إلى الندى في الصباح..
ممنوع بدون ترخيص
إلى الكروان
إدفع جميع دمك ضريبة ملاهي
أوخلي تسبيحك في زورك حبيس،

إلى جناح الفراشة
برجاء نزولك في صوان الفراشة
عاجل وشكرا،

إلى بمب العيد
إحضر سريعا خلي طفلي سعيد،

إلى الربيع القادم
نحيط سيادتكم علم أصبح لازم
تصريح دخول م السيد المسئول،

إلى جميع البراعم
ممنوع يفتح قلبك النائم
إلا بطلب رسمي لجناب الغول،

إلى المدى المقفول
إفتح يا إبن الكلب لا انزل لك!
إفتحلنا يا جبان!
إفتح يا مجرم ربنا يذلك!

إلى عيون الخلق والمية
عطشان ولو في دقيقة ما شربتش
ح اموت مقتول!

عاجل وشكرا
للأهميه
:::::

ومجموعه من الشبان اللى بيكتبوا كويس بردو
احنا ممكن مش بنشوف ممكن مش فاضيين نشوف
بس مش معنى عدم رؤيتنا للحاجه
عدم وجودها
الالكترون والنظام الذرى موجود
انت شايفه ؟
لع
ولا انا بردو

عارفه انك هتقلى اننا بنحسباثره
بس بلاش تقول لان ايدى وجعتنى

والواحد بقى رغاى بزياده
::::::::
اخر حاجه عشان الرد الممل ده
ان نوعيه الشعرا اللى بيكتبوا لمولاه حد
ومقابل منفعه معينه
هى مصيبه
بس هتبقى مضحكه فيها بعد

لان التاريخ هيحكى عن كل حاجه
العالم دى هيبقى منظرها سخيف بردو

::::::::::::
فى النهايه الشعر بيختلف عن الوظايف
بس ع كل حال هتلاقى الكويس هتلاقى الوحش
هتلاقى اللى تفهمه وهتلاقى اللى هتفضل طول عمرك مش هتفهمه
لان الشعر تجربه صاحبه
هتحس بيه لما تعيش نفس التجربة
ولو ممرتش يبقى خير وبركه
عشان كده الشعر كفن ادبى بيعمر كتير
لانه مش بيتكلم عن زمان وعن مكان معين
بل بالعكس ع قدر من المرونه اللى تواكب كل عصر
كان فى بيت للمتنبى كان حد وراهوملى عن مصر
كانوا معبرين جداا

تحس انه عايش معانا
وبالمناسبه المجامله موجوده فى كل حاجه حتى لو شعر وموجوده من زمان
وكانت واضحه تقريباً فى عصر العباسيين
معرفش كتير عن الموضوع ده للاسف