[COoL HEaRT]

موضوع دمه خفيف بجد الواحد لقاه فى الحجات القديمه
كنت هظبط موضوع الايموشنز بس بلاش نلعب فى التراث

بس الجميل ان الموضوع نفسه
مدناش اى جرعه من التفاؤل

بس زى مبيقولوا هذا زمن الهموم الكبيره
يعنى فكرة عدم التفكير نفسها بقت مستحيله
فى وضع بيفرض عليك تفكر
تجاهل المشكله نفسها بيكون اكبر من المشكله
كان فى جمله قالها رضا اللى فكراها منها
ان اصحاب العقول هم المستهلكين الاوائل لادويه الضغط والقلب وماالى ذلك

والصراحه عنده حق
اللى بيفكر فى الواقع ومشاكله هيتعب
زى مبيقلك كده
التفاؤل ابتسامه خفيفه يمكن ان يمزق بها الانسان كل سحب الظلام
بس المشكله هل ان ابعاد سحب الظلام دى عن سما الفرد ده هتبعدها للابد
او هتخفى المشكله ولا بيكون مسكن وقتى
انا بقتنع بالجمله دى اكتر
فيما معناها
ان اجمل مافى الحياه ان تمتلأ نفسك تفاؤلا بالمستقبل ع شرط انه يكون مركز ع حقائق
بمعنى ان التفاؤل بدون التركيز ع حقائق كأننا بنحلم ورجلينا مش ع الارض
بنبنى قصور فى الهوا او ع رمل فى يوم الموج فيه شديد
وبردو مقوله ان اجمل حاجه نبنى جسر من الامل فوق بحيره من اليأس او بحر ايا كان
المشكله نوع الجسر نفسه هل هو مصنوع من امل من انهى نوع
صلب يستحمل ولا طرى وسهل كسره
:::::::
طبعاً عشان انا اصلا مش متشائمه للدرجه
لان التشاؤم سمه المفكرين
-خليهم بقى مع حبوب الضغط احنا مالنا-
بس مهما كان اكسير التفاؤل موجود

ممكن يكون الاكسير ده اللى يدفعك انك تعمل حاجه
بدل العض ع اناملك ندماً ع الراح واللى هيروح !!
فى حجات كتير بتخلى لحياتنا طعم وبتخلى عندنا امل فى بكره حجات عبيطه اوى
انا عن نفسي لو طلعت البلكونه الفجر وشميت ريحه الغسيل بتاع ماما بتفائل

لما تدخل مستشفى وتشوف ابتسامه ع وش طفل
لما تسمع مامتك بتدعيلك الفجر
لما تلاقى اى حد بيدعيلك اصلا
لما تشوف الناس وهى خارجه من صلاه التراويح
وليله العيد والهبل اللى بنعمله فيها
لما تشوف حلقه لعمرو خالد
لما تشتغل ولو نص ساعه فى رساله
لما ترد رد عدل فى موضوع
ولما تشوف موضوع كويس زى ده
وتحس ان فى فى شبابنا ناس لسه بتفكر

يبقى فى امل
ولازم نتفائل
::::::::::
انا شكلى هعيط
ههههههههه
موضوع كويس
الله يمسيك بالخير بئا